Бабруйскi крыж на мысе Горн

12.02.2010 — Новости Общества |

Размер текста:: A; A; A

Источник материала:

Вядомы мараплавец Фёдар Конюхаў наведаў Бабруйск i Бабруйскi дзяржаўны прафесiйна-тэхнiчны мастацкi каледж.

У 1973—1974 гадах, Фёдар вучыўся ў гэтай вядомай установе на рэзчыка па дрэве, але так i не атрымаў дыплома аб адукацыi. Разам з бацькам, якi быў мараком, ён паехаў у сваю першую кругасветку. Малады чалавек не паспяваў вярнуцца i прасiў дазволу прыступiць да заняткаў на два тыднi пазней за iншых, але колiшняе кiраўнiцтва Бабруйскага ПТВ яму гэтага не дазволiла.

Цяпер Фёдара Конюхава прынялi ў каледжы як свайго славутага навучэнца. Больш за тое, спецыялiсты па дрэве каледжа вырабiлi для яго разборны крыж, якi вандроўнiк мяркуе ўсталяваць на мысе Горн у памяць усiх мараплаўцаў, якiя там загiнулi.

Ілона Iванова.
"Залаты Алень Гродна"
У горадзе над Нёманам адбылася ўрачыстая цырымонiя ўзнагароджання пераможцаў новага конкурсу сярод журналiстаў друкаваных i электронных СМI "Залаты Алень Гродна". Ён арганiзаваны Гродзенскiм гарвыканкамам i абяцае стаць традыцыйным.

Галоўны прыз для лаўрэатаў у шэрагу намiнацый (журналiсцкiя праекты, за лепшае асвятленне пытанняў эканомiкi, захавання i развiцця нацыянальных традыцый, папулярызацыi турыстычнага патэнцыялу горада i iнш.) — вельмi прыгожая статуэтка з выявай аленя Святога Губерта, якi з'яўляецца афiцыйным геральдычным сiмвалам Гродна.

Наша даведка. Святы Губерт — каталiцкi святы, апякун паляўнiчых. Паводле легенды, аднойчы падчас палявання ён убачыў прыгажуна-аленя з залатым крыжом памiж рагамi i, вельмi ўзрушаны гэтым знакам, стаў узорным хрысцiянiнам, раздаў усю сваю маёмасць бедным. Выява герба з аленем Святога Губерта змешчана на пячатках Гродзенскага магiстрата 1565 года i пазней. Сёння гэты сiмвал упрыгожвае герб i сцяг горада.
Святы Губерт — каталiцкi святы, апякун паляўнiчых. Паводле легенды, аднойчы падчас палявання ён убачыў прыгажуна-аленя з залатым крыжом памiж рагамi i, вельмi ўзрушаны гэтым знакам, стаў узорным хрысцiянiнам, раздаў усю сваю маёмасць бедным. Выява герба з аленем Святога Губерта змешчана на пячатках Гродзенскага магiстрата 1565 года i пазней. Сёння гэты сiмвал упрыгожвае герб i сцяг горада.
Барыс ПРАКОПЧЫК.
Адзiн на ўсе
У сталiцы плануецца ўкаранiць адзiны электронны праязны бiлет на ўсе вiды транспарту, паведамiў намеснiк старшынi Мiнгарвыканкама Аляксандр Барысенка.

На рухомых саставах будуць усталяваныя спецыяльныя прыстасаваннi. "Укараненне электроннага праязнога пачнецца ў 2011 годзе з метрапалiтэна, а затым распаўсюдзiцца на ўвесь гарадскi транспарт i цалкам завершыцца ў 2012 годзе", — адзначыў А. Барысенка. Адзiны электронны праязны бiлет будзе тарыфiкаваны ў залежнасцi ад колькасцi, працягласцi i часу паездкi.

Веранiка ЛЕБЕДЗЕВА, "Мiнск—Навiны".
"Мiнск—Навiны". За "прыхватызаванае" набывала гаражы...
"З розумам" распараджалася сродкамi, якiя выкрала ў сваёй арганiзацыi, бухгалтар аднаго з гаражна-будаўнiчых кааператываў Заводскага раёна Мiнска: жанчына набыла за грошы, што "прылiплi" да рук, 2 гаражы, аўтамабiль i iншыя рэчы.

Паводле звестак прэс-афiцэра Заводскага РУУС Тамары Рулiнскай, кемлiвая жанчына падазраецца ў крадзяжы 55 мiльёнаў беларускiх рублёў. Як выявiлася, атрымлiваючы ўзносы ад членаў гаражнага кааператыва, яна, выкарыстоўваючы службовыя паўнамоцтвы, уносiла несапраўдныя звесткi ў прыходна-касавыя ордэры: атрыманыя сумы змяншалiся ў разы. У дачыненнi да бухгалтара заведзена крымiнальная справа, за такое злачынства ў Крымiнальным кодэксе прадугледжваецца пакаранне ў выглядзе пазбаўлення волi на тэрмiн ад 5 да 12 гадоў з канфiскацыяй маёмасцi.

Iгар ГРЫШЫН.
Разбiраў... чыгунку

Нехта непадалёк ад Лунiнца выкраў частку рэек з закансерваванага ўчастка чыгункi. А выявiлi злодзея выпадкова, калi на вул. Чырвонай у Лунiнцы затрымалi аўтамашыну "Рэно-Трафiк". Зазiрнулi ў салон, а там 21 кавалак чыгуначных рэек.

Сымон Свiстуновiч.

В блог

Чтобы разместить новость на сайте или в блоге скопируйте код:

На вашем ресурсе это будет выглядеть так

Бабруйскi крыж на мысе Горн

Вядомы мараплавец Фёдар Конюхаў наведаў Бабруйск i Бабруйскi дзяржаўны прафесiйна-тэхнiчны мастацкi каледж. У 1973—1974 гадах, Фёдар вучыўся ў гэтай вядомай установе на рэзчыка па дрэве, але так i не атрымаў дыплома аб адукацыi. Разам з бацькам, якi быў мараком, ён паехаў у сваю першую кругасветку. Малады чалавек не паспяваў вярнуцца i прасiў дазволу прыступiць да заняткаў на два тыднi пазней за iншых, але колiшняе кiраўнiцтва Бабруйскага ПТВ яму гэтага не дазволiла.