У Гродне працягваюць нішчыць дрэвы

Источник материала:

Гэтым разам ахвярамі бензапілы сталі ліпы каля музея Элізы Ажэшка.

У Гродне працягваецца вынішчэнне дрэваў. Першымі ў гэтым сезоне былі спілаваныя белыя акацыі, што ўпрыгожвалі двор Новага замка. Зроблена гэта было ў часе суботніка 23 красавіка на замову адміністрацыі Гродзенскага гісторыка-археалагічнага музея. Дырэктар музею Юрый Кітурка http://nn.by/?c=ar&i=37911патлумачыў журналістам, што дрэвы былі хворыя і ўяўлялі небяспеку. А потым і ўвогуле выдаў: «У горадзе павінна быць архітэктура, а не дрэвы». Краязнаўцы з ім не пагадзіліся — на іх думку быў парушаны закон РБ «Аб раслінным свеце».

А цяпер вось ахвярамі бензапілы сталі дзве ліпы, што раслі акурат насупраць уваходу ў музей Элізы Ажэшка.

Планамернае вынішчэнне дрэваў у найноўшай гісторыі гораду пачалося ў 2004 г., калі стартавала татальная рэканструкцыя гістарычнага цэнтра Гродна. Першымі зніклі скверы на плошчы Савецкай потым спілавалі дрэвы на аднайменнай вуліцы, адзінай пешаходнай. У 2008 г. на вуліцы Тэлеграфнай была знішчаная грабавая алея (дрэвы былі занесеныя ў Чырвоную кнігу).

СП

Теги: Гродно