Гарачыня адпусціць на фоне моцных дажджоў

Источник материала:

Сёння тэрыторыя Беларусі апынецца ў зоне ўплыву вельмі кантрасных атмасферных франтоў, калі паўднёвы вецер зменіцца на паўночны, а тэмпература паветра знізіцца, у параўнанні з чацвяргом, адразу на 10—15 градусаў, паведаміла рэдакцыі начальнік аддзела метэаралагічных прагнозаў Рэспубліканскага гідраметцэнтра Мінпрыроды Людміла Парашчук. Максімальная тэмпература ўдзень у пятніцу — не больш за 18—24 градусы. Амаль паўсюдна па краіне пройдуць моцныя дажджы, з ліўнямі і навальніцамі. У суботу ападкаў ужо амаль не будзе, але стане значна свяжэй. Тэмпература паветра ўначы 5—12, удзень 15—22 градусы. У нядзелю ўвогуле ўсталюецца сонечнае надвор'е. Тэмпература ўначы — 3—8, удзень — 17—24. На наступным тыдні зноў пацяплее. Уначы будзе — 9—14, а ўдзень — 22—28 градусаў.