Зарэгістравалі ініцыятыўныя групы

Источник материала:

У чацвер, 19 ліпеня, закончылася рэгістрацыя ініцыятыўных груп, якія стварылі шляхам збору подпісаў. Кандыдаты ў дэпутаты Палаты прадстаўнікоў Нацыянальнага сходу ад палітычных партый і ад працоўных калектываў могуць зарэгістравацца да 13 жніўня ўключна.

МАЛАДЗЕЧНА. У Маладзечанскай гарадской выбарчай акрузе №72 ініцыятыўныя групы зарэгістравалі рэдактар "Радыё Маладзечна" Галіна Лазоўская і дырэктар Асацыяцыі малога і сярэдняга прадпрымальніцтва Сяргей Балыкін.

МАЛАДЗЕЧНА. ВАЛОЖЫН. У Маладзечанскай сельскай выбарчай акрузе №73, у якую ўваходзіць Валожынскі раён, ініцыятыўную групу зарэгістраваў дырэктар ААТ "Беразінскае" Станіслаў Кулеш.

ВІЛЕЙКА. МЯДЗЕЛ. Віляйчане і мядзельцы ўваходзяць у Вілейскую выбарчую акругу №74. Тут зарэгістравалі тры ініцыятыўныя групы:

Віктар Русак, начальнік галоўнага ўпраўлення эканамічнай бяспекі Камітэта дзяржаўнай бяспекі Беларусі;

Ігар Барысавец, начальнік аддзела па кінавідэаабслугоўванні насельніцтва Мядзельскага раёна КУП “Мінаблкінавідэапракат”;

Вячаслаў Чалы, пенсіянер Мядзельскага раёна.

АШМЯНЫ. Ашмянцы ўваходзяць у Іўеўскую выбарчую акругу №53. Тут сваю ініцыятыўную групу зарэгістравала Наталля Кучынская, начальнік аддзела адукацыі Ашмянскага райвыканкама.

СМАРГОНЬ. АСТРАВЕЦ. Смаргонскі і Астравецкі раёны складаюць Смаргонскую выбарчую акругу №59.

У выбарчай камісіі зарэгістраваў сваю ініцыятыўную групу Валерый Кокаш, генеральны дырэктар камунальнага праектна-рамонтна-будаўнічага ўнітарнага прадпрыемства “Гроднааблдарбуд”.

Пра гэта паведамілі прадстаўнікі адпаведных выбарчых акруговых камісій.

Выбары дэпутатаў Палаты прадстаўнікоў прызначаныя на 23 верасня.

Зоя ХРУЦКАЯ.