Падпісана пагадненне аб фінансаванні праекта міжнароднай тэхнічнай дапамогі, скіраванага на падтрымку рэгіянальнага развіцця ў Беларусі

Источник материала:

Міністр эканомікі Мікалай Снапкоў 4 жніўня на падставе норм пастановы Савета міністраў ад 31 ліпеня 2012 года № 717 падпісаў пагадненне аб фінансаванні праекта міжнароднай тэхнічнай дапамогі, скіраванага на падтрымку рэгіянальнага развіцця. Пра гэта паведаміла прэс-служба Мінэканомікі.

Унёсак Еўрапейскага саюза ў фінансавенне гэтага праекта складае 13 млн. 70 тыс. еўра пры суфінансаванні з боку Праграмы развіцця ААН у памеры 400 тыс. еўра.

Падпісанне гэтага дакумента з'яўляецца вынікам планамернай сумеснай працы Міністэрства эканомікі з зацікаўленымі па прыцягненні сродкаў на рэгіянальнае развіццё, зазначылі ў ведамстве. Новы праект з'яўляецца лагічным працягам сумеснага праекта ЕС і Праграмы развіцця ААН "Тэрытарыяльна-арыентаванае развіццё рэгіёнаў, што пацярпелі ў выніку аварыі на Чарнобыльскай АЭС", рэалізаванага ў 2008—2009 гадах на тэрыторыі чатырох раёнаў Гомельскай вобласці. Плануецца, што праект падтрымкі рэгіянальнага развіцця дазволіць умацаваць патэнцыял і закладзе аснову для стымулявання ініцыятывы на месцах, мяркуюць у Мінэканомікі.

Мэтамі праекта з'яўляюцца: развіццё кампетэнцыі беларускіх нацыянальных органаў улады ў сферы кіравання рэгіянальным развіццём; развіццё кампетэнцыі і здольнасцяў беларускіх рэгіянальных і мясцовых органаў улады ў сферы кіравання рэгіянальным і мясцовым развіццём; стварэнне ўмоў для актыўнага ўдзелу грамадзян у прыняцці на мясцовым узроўні рашэнняў, што тычацца сацыяльна-эканамічнага і культурнага развіцця іх рэгіёнаў.

Рэалізацыя праекта па падтрымцы рэгіянальнага і мясцовага развіцця ў Беларусі поўнасцю карэспандыруецца з Нацыянальнай праграмай міжнароднага тэхнічнага супрацоўніцтва на 2012—2016 гады.

Паводле  БелаПАН.