У Ванкувэры адкрыліся XXI зімовыя Алімпійскія гульні

Источник материала:

А 21 гадзінае паводле мясцовага часу (а 7 гадзіне раніцы 13 лютага паводле менскага) алімпійскі агонь у Ванкувэры запалілі адразу чатыры выбітныя канадзкія спартсмэны: хакеіст Уэйн Грэцкі, баскетбаліст Стыў Нэш, гарналыжніца Нэнсі Грын і канькабежка Катрына Лемэй-Доўн.Прэзыдэнт Міжнароднага алімпійскага камітэту Жак Роге адзначыў у сваім выступе, што пасьля Манрэаля і Калгары Канада ў трэці раз прымае Алімпійскія гульні. Паводле яго слоў, Алімпіяда — гэта больш, чым спартыўныя спаборніцтвы. Роге заявіў, што «сёньня, як ніколі, нам не хапае міру, брацтва і цярпеньня», аднак Гульні ў Ванкувэры праходзяць «у атмасфэры міру і веры ў алімпійскія ідэалы». Кіраўнік МАК падкрэсьліў, што слава накладае адказнасьць, і заклікаў спартсмэнаў «адмовіцца ад допінгу і падману».