Беларусь — Славакія: пакуль нічыя

Источник материала:

Кубак Дэвіса

Учора ў Мінску прайшлі першыя сустрэчы матчу Беларусь — Славакія ў першай групе Еўра-Афрыканскай зоны. Нагадаем, што няўдачнік гэтага супрацьстаяння адправіцца ў групу рангам ніжэй. Пасля першага дня лік быў нічыйным — 1:1.

У стартавай сустрэчы лідар нашай каманды Уладзімір Ігнацік (160-ты рэйтынг) выйграў у другой ракеткі каманды гасцей Марціна Кліжана (255) — 7:6, 6:2, 6:2. У другім паядынку наша другая ракетка Сяргей Бетаў (426) саступіў першаму нумару гасцей Лукашу Лацко (76) — 0:6, 4:6, 4:6. Сёння адбудзецца парная сустрэча, дзе згуляюць Максім Мірны і Уладзімір Ігнацік супраць Міхала Мерцінака і Філіпа Палашака. У нядзелю пройдуць дзве адзіночныя гульні.

Алена АЎЧЫННІКАВА.