Першым фіналістам турніру па міні-футболе ў Вілейцы стаў “Юніёр”

Источник материала:

Вынікі такія: “Першы Беларускі” – “Крыніца” 19:5, “Шылавічы” – “Воўкаўшчына” 11:4, “Буддэталі” – райаддзел па надзвычайных сітуацыях 12:4, “Юніёр” –“Макаўе” 11:6.

– Самая напружаная барацьба была ў матчы паміж “Воўкаўшчынай” і “Шылавічамі”. У першым тайме змагаліся на роўных, і толькі потым  потым гульцы “Воўкаўшчыны” здаліся пад ціскам сапернікаў, – паведаміў інструктар-метадыст раённага фізкультурна-аздараўленчага цэнтра "Імпульс" Аляксандр Вайда. – Астатнія каманды былі прыкметна мацнейшымі за сваіх апанентаў.

Дзесяць галоў у матчы з “Крыніцай” забіў Аляксандр Альховік. Ён выйшаў на першае месца ў спрэчцы бамбардзіраў: на рахунку гульца “Першага Беларускага” 39 галоў.

У нядзелю паспелі правесці і адзін з паўфіналаў. “Юніёр” абыграў “Шылавічы” з лікам 11:2, і выйшаў у фінал.

Яшчэ адзін паўфінал, у якім сустрэнуцца каманды “Першы Беларускі” і “Буддэталі”, адбудзецца 20 снежня. А 22 снежня стане вядомы пераможца турніру.

Алесь ВЫСОЦКІ.

Фота asnta.ru