Park Avenue - новы спрэчны праект у водна-зялёным дыяметры Мінска. 21.by

Park Avenue - новы спрэчны праект у водна-зялёным дыяметры Мінска

17.01.2013 18:32 — Новости Общества | Tut.by  
Размер текста:
A
A
A

Park Avenue - новы спрэчны праект у водна-зялёным дыяметры Мінска

Наша Ніва
У Мінску на скрыжаванні вуліц Першамайскай і Пуліхава жадаюць пабудаваць трохпавярховы шматфункцыянальны культурна-забаўляльны цэнтр.

Park Avenue - новы спрэчны праект у водна-зялёным дыяметры Мінска


Цэнтр плануецца ўзвесці на месцы цяперашняга непрацоўнага фантана, каля веладарожкі і набярэжнай Свіслачы. Грамадскія слуханні па праекце забудовы адбыліся ўчора, і жыхары раёна там не хавалі свайго абурэння яскравым прыкладам "ушчыльнення", які рассячэ водна-зялёны дыяметр Мінска.
 
Праект цэнтра пад назвай Park Avenue распрацавала Мінскае бюро архітэктуры і дызайну "Дывідбуд", якое займаецца праектаваннем прыватных дамоў і распрацоўкай дызайну інтэр’ераў.

У партфоліа кампаніі, змешчаным на сайце, пакуль адсутнічаюць праекты кшталту цэнтра Park Avenue. Інфармацыя пра ўдзел прыватнага прадпрыемства "Дывідбуд" у праектаванні цэнтра Park Avenue таксама адсутнічае. Заказчык дызайн-праекта не называецца.

Грамадска-забаўляльны комплекс Park Avenue мае складацца з трох паверхаў агульнай плошчай 2498 квадратных метраў.

Згодна з апісаннем праекта, на першым паверсе будзе знаходзіцца 5D-кінатэатр, велакавярня з крытай стаянкай, пракат і сэрвіс веласіпедаў. Другі паверх аддадуць пад рэстаран з летняй тэрасай, выставачныя павільёны, дэгустацыйныя залы. На трэцім паверсе наведвальнікі знойдуць забаўляльныя цэнтры (як падазраюць жыхары раёна, пад гэтым эўфемізмам крыецца чарговае казіно), спартыўную залу і залу атракцыёнаў.

Park Avenue - новы спрэчны праект у водна-зялёным дыяметры Мінска


Тэрыторыю вакол цэнтра плануецца "камфортна добраўпарадкаваць" і азеляніць - але там і так парк вакол.

Архітэктурны праект прадугледжвае стварэнне скульптурнай групы "Гандола", якая "стане вартым упрыгожваннем парка і славутасцю горада Мінска". Між тым на тым месцы раней быў фантан. Праўда, гадоў колькі ўжо ўлетку яго не ўключаюць. Але на прыступках, што тэрасамі спускаюцца вакол яго, па-ранейшаму ўлетку сядзяць парачкі і коўзаюцца падлеткі на скейтах.

Park Avenue - новы спрэчны праект у водна-зялёным дыяметры Мінска


Прывабнае апісанне, відавочна, мае слабы эфект на мясцовых жыхароў.

У журнале заўваг і прапановаў да праекта "за" выказаўся толькі адзін чалавек. "Мінск становіцца клаакай", "катэгарычна супраць!", "не варта будаваць менавіта тут", "выбраны ўчастак не адпавядае функцыянальнаму значэнню дадзенага аб’екта", "гэта проста блюзнерства", "будаўніцтва пагоршыць транспартную сітуацыю", "не знішчайце тое, што пабудавалі 50 гадоў таму" - такія заўвагі змешчаныя ў журнале.

Park Avenue - новы спрэчны праект у водна-зялёным дыяметры Мінска


Мясцовая жыхарка паказвае на дом на рагу Першамайскай і Пуліхава - калі цэнтр пабудуюць, яе вокны будуць выходзіць на Park Avenue.

"Калі яго пабудуюць, я не ведаю, як тут жыць!" - кажа яна. "У суседнім доме адкрылі краму „Еўраопт“ [вул. Пуліхава, 3, — НН], і там цяпер невядома што адбываецца на паркоўцы. А зараз яшчэ і гэта хочуць усунуць. Чаму б не пабудаваць штосьці на месцы кафэ ў парку Горкага - яно закінута цягам ужо 6 гадоў? Чаму трэба будаваць менавіта тут?" - скардзіцца жанчына. "Пайду зараз пісаць скаргу, але колькі ні пішы, нічога не стане. „Бабло“ ўсё адно пераможа", - кажа яна.

Аргументы аўтараў ідэі - гэтая пляцоўка ў цэнтры горада з добрым пад’ездам можа даваць вялікія грошы, у тым ліку і ў гарадскі бюджэт.

Чаму не на процілеглым беразе Свіслачы, на месцы лядашчага станкабудаўнічага завода імя Кірава? Бо туды спадзяюцца ўрэшце знайсці багатага забудоўніка, здольнага паставіць цэлы комплекс будынкаў адразу.

Заўвагі і прапановы па праекце будаўніцтва шматфункцыянальнага культурна-забаўляльнага цэнтра Park Avenue можна пакінуць у фае Адміністрацыі Партызанскага раёна па адрасе: вул. Захарава, 53. Заўвагі і прапановы прымаюцца да 28 студзеня 2013 года.
 
 
Чтобы разместить новость на сайте или в блоге скопируйте код:
На вашем ресурсе это будет выглядеть так
У Мінску на скрыжаванні вуліцы Першамайскай і Пуліхава жадаюць пабудаваць трохпавярховы шматфункцыянальны культурна-забаўляльны цэнтр.
 
 
 


Архив (Новости Общества)

21.by в социальных сетях

Свежие газеты

18.12.2018
Mir24.TV Belarus
Кобринский вестник
Навiны Палесся
Полесская правда
Пинский Вестник
Двинская правда (Верхнедвинск)
Гарадоцкi веснiк
Днепровская правда (Дуюровно)
Міёрскія навіны
Голас Сененшчыны
Клiч Радзiмы
Герой працы
Газета Авангард
Новости Волковыска
Вороновская газета
Ивьевский край
Полымя
Заря над Неманам
Светлы шлях
Единство
Новости Дзержинска
Нясвижскiя навiны
Слуцк Город
Смалявiцкi край
Soligorsk News
Маяк Преднепровья
Горецкий вестник
Кировец
Голас Касцюкоушчыны
Асiповiцкi край
Новости Хотимска
Новы дзень (Жлобин)
Святло кастрычнiка (Мстиславль)
19.12.2018
Mir24.TV Belarus
Івацэвіцкі веснік
Кобринский вестник
Навiны Палесся
Полесская правда
Пинский Вестник
Двинская правда (Верхнедвинск)
Гарадоцкi веснiк
Міёрскія навіны
Патриот (Ушачи)
Клiч Радзiмы
Герой працы
Газета Авангард
Новости Волковыска
Вороновская газета
Полымя
Заря над Неманам
Светлы шлях
Единство
Новости Дзержинска
Нясвижскiя навiны
Слуцк Город
Смалявiцкi край
Soligorsk News
Маяк Преднепровья
Радзiма
Горецкий вестник
Савецкая вёска
Голас Касцюкоушчыны
Кричевская жизнь
Асiповiцкi край
Новости Хотимска
Новы дзень (Жлобин)
Святло кастрычнiка (Мстиславль)

© 2004-2018 21.by
Яндекс.Метрика