ДЭПУТАТЫ ЗРАБІЛІ ЧАРГОВЫ КРОК У РАЗВІЦЦІ НАШАЙ ДЗЯРЖАЎНАСЦІ

Источник материала:

Выступленне Старшынi Палаты прадстаўнiкоў Нацыянальнага сходу Рэспублiкi Беларусь У.М. Канаплёва на закрыццi трэцяй сесi Палаты прадстаўнiкоў Нацыянальнага сходу Рэспублiкi Беларусь трэцяга склiкання

Парадак дня трэцяй сесii Палаты прадстаўнiкоў вычарпаны, i сённяшнiм пасяджэннем мы падводзiм рысу пад усёй нашай работай у гэтым годзе. Галоўны вывад вiдавочны — дэпутаты даказалi свой высокi прафесiяналiзм i зрабiлi чарговы крок у развiццi нашай дзяржаўнасцi.

У перыяд трэцяй сесii работа iшла вельмi напружана.

Адным з важнейшых рашэнняў, прынятых трэцяй сесiяй, безумоўна, стала назначэнне чарговых выбараў Прэзiдэнта Рэспублiкi Беларусь, якiя з’яўляюцца выключна важнай падзеяй у жыццi любой дэмакратычнай дзяржавы. Своечасовы i арганiзаваны старт чарговай выбарчай кампанii дадзены, i мы павiнны актыўна падключыцца да таго, каб яна прайшла паспяхова на ўсiх сваiх этапах.

Як звычайна, шмат увагi дэпутаты ўдзялялi разгляду законапраектаў. Так, за гэты перыяд прынята 30 законапраектаў у першым чытаннi, 56 — у другiм (усе яны датычацца важнейшых напрамкаў развiцця нашага грамадства), у тым лiку ратыфiкавана 19 мiжнародных дагавораў, прынята да ведама 8 часовых дэкрэтаў Прэзiдэнта.

У лiку найбольш значных законапраектаў неабходна адзначыць Закон «Аб зацвярджэннi Асноўных напрамкаў унутранай i знешняй палiтыкi Рэспублiкi Беларусь». Па сутнасцi, ён з’яўляецца арыенцiрам для ўсёй нашай далейшай заканатворчасцi.

Аператыўна i якасна быў разгледжаны i прыняты праект Закона «Аб бюджэце Рэспублiкi Беларусь на 2006 год». Адношу гэта на канструктыўнае ўзаемадзеяння дэпутатаў i членаў Урада. Пазiцыi супалi ў галоўным — бюджэт мае ярка выражаную сацыяльную накiраванасць.

Для стымулявання дзейнасцi суб’ектаў гаспадарання былi прыняты змяненнi ў па- датковае заканадаўства i праект новай рэдакцыi Закона аб акцыянерных таварыствах.

Атрымала далейшае развiццё заканадаўства ў сацыяльнай сферы. Гэта закранула пытаннi падтрымкi дзяцей i сем’яў, якiя iх выхоўваюць; прыняты шэраг законапраектаў у сферы адукацыi. Яны лагiчна працягваюць курс нашай дзяржавы на дастойнае i ўсебаковае развiццё дзяцей i моладзi.

Дзяржава павiнна ствараць грамадзянам умовы для паўнацэннай працы, рэалiзацыi iх творчых магчымасцяў, абараняць iх ад любых пагроз i насiлля. На гэта арыентаваны прынятыя законапраекты ў сферы барацьбы з тэрарызмам, карупцыяй, процiдзеяння экстрэмiзму, узмацнення адказнасцi за дзеяннi, накiраваныя супраць чалавека i грамадскай бяспекi.

Адна з апор беларускай дзяржаўнасцi — нацыянальная самасвядомасць i пачуццё патрыятызму грамадзян. Але без ведання сваёй гiсторыi, традыцый народа выхаваць гэтыя якасцi немагчыма. Менавiта таму высокай ацэнкi заслугоўваюць прынятыя законапраекты «Аб ахове гiсторыка-культурнай спадчыны Рэспублiкi Беларусь», «Аб музеях i Музейным фондзе Рэспублiкi Беларусь».

Такiм чынам, заканатворчая дзейнасць дэпутацкага корпуса была накiравана на паслядоўнае вырашэнне самых актуальных пытанняў жыцця дзяржавы i грамадства.

У забеспячэннi эфектыўнасцi закана- творчасцi нам, безумоўна, дапамагаюць рэгулярныя сустрэчы з нашымi выбаршчыкамi, штодзённая ўвага да iх патрэб i спадзяванняў.

Актыўна працягвалася i мiжнародная дзейнасць Палаты прадстаўнiкоў. Наладжвалася i паглыблялася ўзаемадзеянне з парламентарыямi iншых краiн як у рамках двухбаковых адносiнаў, так i на ўзроўнi мiжпарламенцкiх арганiзацый.

Плённа працавала расiйска-беларуская камiсiя па падрыхтоўцы праекта Канстытуцыйнага Акта Саюзнай дзяржавы.

Асаблiва адзначу факт атрымання Нацыянальным сходам Рэспублiкi Беларусь статусу назiральнiка ў Парламенцкай асамблеi Чарнаморскага эканамiчнага супрацоўнiцтва. Перад намi адкрываюцца новыя магчымасцi прасоўвання знешнепалiтычных i знешнеэканамiчных iнтарэсаў краiны за яе межы.

Аператыўны разгляд законапраекта аб ратыфiкацыi Канстытуцыi Мiжнароднай арганiзацыi па мiграцыi забяспечыў у гэтым годзе ўступленне нашай краiны ў гэту мiжнародную структуру.

Паважаныя дэпутаты!

Пазiтыўна ацэньваючы нашу дзейнасць, хачу падкрэслiць, што мы не павiнны спыняцца на дасягнутым. Мы ўступаем у новае пяцiгоддзе, задачы перад намi стаяць вялiкiя, i мы павiнны максiмальна засяродзiцца на iх вырашэннi.

На сустрэчы з членамi Савета Палаты прадстаўнiкоў i Прэзiдыума Савета Рэспублiкi Нацыянальнага сходу Рэспублiкi Беларусь 24 лiстапада 2005 года Кiраўнiк дзяржавы паставiў перад парламентарыямi дакладную задачу: законы павiнны садзейнiчаць развiццю прагрэсiўных працэсаў у грамадстве, быць зразумелымi для людзей, рэальнымi i своечасовымi.

Менавiта так мы i павiнны з вамi працаваць. Для гэтага ў нас ёсць неабходны рэсурс i магчымасцi.

У перыяд падрыхтоўкi да чацвёртай сесii нам трэба будзе сур’ёзна працаваць. Ужо на сённяшнi дзень у Палаце прадстаўнiкоў знаходзiцца больш за 60 праектаў законаў. Iдзе работа па падрыхтоўцы да разгляду праектаў Кодэкса аб судовым ладзе i статусе суддзяў, Працэсуальна-выканаўчага кодэкса аб адмiнiстрацыйных правапарушэннях, а таксама новых рэдакцый Мытнага i Жыллёвага кодэксаў. Плануецца ўнясенне праектаў Бюджэтнага кодэкса i Асаблiвай часткi Падатковага кодэкса, да работы над якiмi мы таксама павiнны быць гатовыя.

Паважаныя таварышы!

Надыходзячы 2006 год для нашай краiны мае важнае грамадска-палiтычнае значэнне. Разам з маючымi адбыцца ў наступным годзе прэзiдэнцкiмi выбарамi ён будзе насычаны i iншымi важнымi падзеямi.

2006 год — гэта i год 20-годдзя Чарнобыльскай катастрофы. Дэпутаты не павiнны заставацца ў баку ад удзелу ў памятных мерапрыемствах, прысвечаных гэтай трагiчнай падзеi. Неабходна яшчэ раз прыцягнуць увагу мiжнароднай грамадскасцi да праблем нашых пацярпеўшых рэгiёнаў.

Надыходзячы год будзе годам 10-годдзя з дня ўтварэння Палаты прадстаўнiкоў Нацыянальнага сходу Рэспублiкi Беларусь. Мы павiнны дастойнай працай, з важкiмi вынiкамi ў заканатворчай дзейнасцi прыйсцi да гэтай даты.

Паважаныя калегi!

На заканчэнне хачу падзякаваць усiм вам за паспяховую работу, павiншаваць усiх прысутных з надыходзячым Новым годам i Ражством, пажадаць здароўя, шчасця i новых працоўных здзяйсненняў!