Райс абяцае Кубе «каляровую рэвалюцыю»?

25.08.2009 21:21 — |

Размер текста:: A; A; A

Источник материала:

Дзяржаўны сакратар ЗША Кандалiза Райс заявiла, што «надышоў час перамен на Кубе» пасля 46 гадоў «жорсткай дыктатуры» Фiдэля Кастра. Паводле слоў дзяржсакратара, Вашынгтон прыме меры для «наблiжэння канца прыгнёту» ў гэтай краiне.

Райс выступiла з гэтай заявай з нагоды аднаўлення работы «Камiсii па аказанню дапамогi Вольнай Кубе». Паводле слоў кiраўнiка знешнепалiтычнага ведамства ЗША, рэкамендацыi камiсii будуць прадстаўлены прэзiдэнту Джорджу Бушу ў маi 2006 года. Райс падкрэслiла, што да гэтага тэрмiну будзе распрацаваны «гiбкi план, якi дапаможа кубiнскаму народу паскорыць правядзенне дэмакратычных, свабодных i справядлiвых выбараў. «Мы абяцаем народу Кубы прадаставiць нашы рэсурсы i вопыт».

FREEDOM HOUSE РАСКРЫТЫКАВАЛА ЗША

Уплывовая мiжнародная арганiзацыя Freedom House абнародавала штогадовую справаздачу, прысвечаную сiтуацыi з правамi i свабодамi ў свеце.

У даследаваннi асаблiвая ўвага ўдзялялася краiнам, якiя раней уваходзiлi ў склад Савецкага Саюза. Па вынiках мiнулага года Расiя, якая ў справаздачы за 2004 год з катэгорыi «часткова свабодных» апусцiлася ў катэгорыю «несвабодных», яшчэ больш пагоршыла свае паказчыкi ў спiсе, якi замыкаюць Туркменiя i Узбекiстан. Варта адзначыць, што ў сваёй справаздачы Freedom House падвергла дастаткова рэзкай крытыцы таксама ЗША, назваўшы апошнiя тэндэнцыi ў гэтай краiне трывожнымi. Заклапочанасць аўтараў справаздачы выклiкаюць «распаўсюджанае выкарыстанне формаў фальсiфiкацыi» падчас выбараў у кангрэс ЗША i мясцовыя органы ўлады. На думку аўтараў, у сувязi з гэтым церпiць прынцып свабоднай спаборнасцi, без якога сапраўды дэмакратычныя выбары немагчымыя.