Два святы для аптымiста

Источник материала:

Юбілей

Што дае зарад бадзёрасцi для гэтага «чалавека-энерджайзера»? Можа, сцэна: выступаць у якасцi канферансье ён пачаў са школы, аб’ехаў з канцэртамi практычна ўсю Манголiю; працаваў у Тэатры лялек БССР, пазней — у тэатры «Хрыстафор». А можа, праца на радыё i ТБ: 21 год па правадной сетцы можна было пачуць перадачу Вергунова «Пошта блакiтнага вагона», якая пазней трансфармавалася ў праграму «Мы едзем, едзем, едзем...», на 8-м канале — убачыць праграму «Ля афiшы». Яшчэ 7 гадоў былi аддадзены радыё «Бi Эй», ды плюс 2 — на «Альфа радыё», ды яшчэ зараз Аляксандр Вергуноў працуе на студыi «ОКО», якая забяспечвае праграмамi розныя тэлеканалы Беларусi... Цi, быць можа, сакрэт у свежым паветры — заўзяты рыбак Вергуноў мае 40-гадовы стаж рыбнай лоўлi на рэках Манголii, у Беларусi, Украiне, Прыбалтыцы, Славенii, Балгарыi, Венгрыi... i нават у Афрыцы.

А можа — хутчэй за ўсё — справа ў тым, што Шура Вергуноў (рэдка хто з калег называе яго Аляксандрам, нягледзячы на ўзрост) вялiкi аптымiст, якi з аднолькавым задавальненнем «чаруе» на звычайнай i тэлевiзiйнай кухнi, збiрае грыбы i ролi ў кiно, вядзе аўтамабiль i разнастайныя эстрадныя праграмы... Таму мала здзiўляе, што да адной асабiстай даты далучылася другая: 14 красавiка ў адным з мiнскiх ЗАГСаў Аляксандр Вергуноў зарэгiструе шлюб. Нават зайздросна крыху, чэснае слова!