«Белаграпрамбанк» адкрые прадстаўнiцтва ў Мiлане

Источник материала:

Кошт пытання

Дарэчы, «Белаграпрамбанк», якi выйшаў на мiжнародны рынак запазычванняў толькi ў 2005 годзе, прыцягнуў ужо каля 190 мiльёнаў долараў замежных крэдытных рэсурсаў. «Белагра- прамбанк» актыўна супрацоўнiчае больш як з 50 банкамi з 20 краiн свету i сёлета плануе рэалiзаваць знешнегандлёвыя праекты на 200 мiльёнаў долараў. Як адзначыў старшыня праўлення ААТ «Белаграпрамбанк» Сяргей РУМАС, лiтаральна на мiнулым тыднi было прынята рашэнне аб адкрыццi прадстаўнiцтва банка ў Мiлане. «Патэнцыял супрацоўнiцтва яшчэ не вычарпаны, наперадзе — шмат тэм для абмеркавання i планаў для рэалiзацыi», — адзначыў Сяргей Румас.

Як вядома, перад усёй банкаўскай сiстэмай краiны пастаўлена задача прыцягнуць у гэтым годзе ў эканомiку краiны 1 мiльярд долараў замежных крэдытаў. Самi банкi заяўляюць аб гатоўнасцi да выканання такой задачы i адназначнай прыбытковасцi справы для замежных iнвестараў.

Паводле слоў намеснiка прэм’ер-мiнiстра Рэспублiкi Беларусь, старшынi Назiральнага савета ААТ «Белаграпрамбанк» Iвана БАМБIЗЫ, першая мiжнародная банкаўская канферэнцыя аб’ядноўвае iнтарэсы прадстаўнiкоў розных краiн i Беларусi, для якой iвестыцыi застаюцца прыярытэтным накiрункам развiцця айчыннай эканомiкi. Iван Бамбiза адзначыў таксама на адкрыццi канферэнцыi, што Беларусь паспяхова выканала ўсе эканамiчныя паказчыкi на 2001—2005 гады i далей скiравана на далучэнне да лiку высокаразвiтых еўрапейскiх краiн.

Зараз Беларусь, якая не валодае значнымi запасамi сыравiны, стаiць па шляху iнавацыйнага развiцця, у прыватнасцi, фармiруе сучасную матэрыяльна-тэхнiчную базу прадпрыемстваў, забяспечвае выпуск якаснай прадукцыi, iнтэгруецца ў мiжнародную супольнасць, каб рэалiзаваць тавары на замежным рынку. Зразумела, што ў кожнай галiне ёсць патрэба ў абнаўленнi, тэхнiчным пераўзбраеннi, мадэрнiзацыi. Скажам, у тым жа аграпрамысловым комплексе ёсць вялiкiя перспектывы развiцця перапрацоўкi — i ў кансервавай, i ў пiваварнай, у малочнай i мясной вытворчасцях. Без iнвестыцый пастаўленых задач не вырашыць, таму патрэба ў iнвестыцыйных рэсурсах сёлета складае 1,2 мiльярда долараў.

Намеснiк старшынi праўлення Нацыянальнага банка Рэспублiкi Беларусь Васiль МАЦЮШЭЎСКI падкрэслiў, што ў галiне прыцягнення банкамi валютных рэсурсаў можна гаварыць аб змяншэннi колькасцi крэдытаў, якiя прадастаўляюцца пад гарантыi ўрада Беларусi. «Гэта гаворыць аб паляпшэннi фiнансавага становiшча банкаў i ўзмацненнi даверу мiжнародных партнёраў», — сказаў Васiль Мацюшэўскi. Як вядома, прысваенне Беларусi краiнавага рэйтынгу (падрыхтоўку да гэтай падзеi Нацбанк i ўрад плануюць завяршыць напрыканцы гэтага цi на пачатку наступнага года) дазволiць якасна палепшыць доўгатэрмiновыя адносiны з замежнымi партнёрамi, прыцягнуць у краiну больш танныя рэсурсы, выйсцi на рынкi еўрапейскiх аблiгацый i г.д.