Цана чэка

Источник материала:

Факт набыцця тавару ў прадаўца можна даказаць пры пэўных абставiнах: наяўнасцi ў прадаўца аналагiчнага тавару, сведкаў, падпiсанай прадаўцом гарантыi з датай набыцця i г.д., пасля чаго звярнуцца ў таварыства абароны правоў спажыўцоў. Аднак збор доказнай базы патрабуе ад пакупнiка ўжо спецыяльных ведаў як мiнiмум у сферы абароны правоў спажыўцоў i юрыспрудэнцыi, а галоўнае — траты свайго часу. А як быць у сiтуацыi, калi тавар набыты ў прадаўцоў-нелегалаў? Каму ў гэтым выпадку прад’яўляць прэтэнзii?

Зыходзячы з жыццёвых сiтуацый выснова напрошваецца адназначная: чэк пазбавiць пакупнiка ад вышэйпералiчаных праблем. Акрамя таго, чэк дапаможа пракантраляваць свае расходы як непасрэдна пры здзяйсненнi пакупкi, так i пасля яе, напрыклад, пры складаннi падатковай дэкларацыi аб сукупным гадавым даходзе.

Выдача чэкаў пры рэалiзацыi тавараў (работ, паслуг) — гэта адзiн з крытэрыяў аднясення дзяржавы i грамадзян, якiя ў ёй пражываюць, да разраду цывiлiзаваных. Практычна ва ўсiх краiнах Еўропы выдача касавага чэка з’яўляецца звычайнай справай. У адной з дзяржаў за рознiчныя аперацыi з кантрафактнымi таварамi, якiя, як правiла, здзяйсняюцца без выдачы чэкаў, адказнасць ускладзена не толькi на прадаўца, але i на пакупнiка.

Беларуская дзяржава паступова i планамерна праводзiць палiтыку ў галiне станаўлення гандлю з выкарыстаннем сучасных тэхналогiй. Яшчэ ў пачатку i на працягу 90-х гадоў мiнулага стагоддзя, у перыяд «ларочнага» бiзнэсу, выдаць або патрабаваць чэк пры продажы тавару лiчылася непрыстойнай справай. Сёння ж выдача чэка гаворыць нам хутчэй аб добрай дзелавой рэпутацыi гандлёвай арганiзацыi.

Рэспублiка Беларусь заняла жорсткую пазiцыю ў барацьбе з парушальнiкамi Парадку прыёму грашовых сродкаў пры рэалiзацыi тавараў (работ, паслуг). За 9 месяцаў 2006 г. падатковымi органамi па пытанню выканання парадку праведзена 11 705 рэйдавых праверак, з iх у 5447 выпадках выяўлены парушэннi заканадаўства.

Адмiнiстрацыйны штраф за парушэнне парадку складае ад 20 да 50 базавых велiчынь, эканамiчная адказнасць за парушэнне парадку выкарыстання касавых падсумоўваючых апаратаў на юрыдычную асобу ўскладаецца ў памеры ад 25 да 200 базавых велiчынь, а на iндывiдуальных прадпрымальнiкаў — ад 20 да 100 базавых велiчынь.

Акрамя таго, органы, якiя выдаюць лiцэнзii, у двух i больш выпадках парушэнняў суб’ектамi гаспадарання парадку прыёму наяўных грашовых сродкаў або выкарыстання касавых апаратаў на працягу каляндарнага года па прадстаўленню падатковых органаў i iншых дзяржаўных органаў, якiя ажыццяўляюць кантроль за выкананнем парадку, на працягу двух тыдняў абавязаны прыняць рашэнне аб ануляваннi лiцэнзii, на падставе якой ажыццяўляецца дзейнасць. Прадстаўленняў на ануляванне лiцэнзiй за 9 месяцаў гэтага года ў органы, якiя выдаюць лiцэнзii, iнспекцыямi МПЗ накiравана ў адносiнах да 172 суб’ектаў прадпрымальнiцкай дзейнасцi. Грашовыя сродкi (выручка), атрыманыя ў парушэнне парадку, спаганяюцца ў даход рэспублiканскага бюджэту.

Заканадаўствам устаноўлена, што нараўне з iншымi дакументамi, якiя пацвярджаюць факт набыцця тавару (выканання работы, аказання паслугi) з’яўляюцца касавы (таварны) чэк або квiтанцыя да прыходнага касавага ордэра, квiтанцыя да адрыўнога талона. Гэтыя ж дакументы ў абавязковым парадку павiнны быць выдадзены прадаўцом пакупнiку.

Выкананне простых пастулатаў абараняе правы не толькi пакупнiкоў, але i эканамiчныя iнтарэсы, дзелавую рэпутацыю гандлёвых арганiзацый i iндывiдуальных прадпрымальнiкаў.

P.S. Падрабязную iнфармацыю аб парадку прыёму наяўных грашовых сродкаў пры продажы тавараў, выкананнi работ i аказаннi паслуг з выкарыстаннем касавых падсумоўваючых апаратаў i спецыяльных камп’ютарных сiстэм можна знайсцi на сайце Мiнiстэрства па падатках i зборах Рэспублiкi Беларусь www.nalog.by

Ю. КАНАВАЛАЎ,

намеснiк начальнiка аддзела iнфармацыйна-тлумачальнай работы — прэс-сакратар Мiнiстэрства па падатках i зборах Рэспублiкi Беларусь.