Касцёл папулярызуе спадчыну Яна Паўла II
Вольга МЯДЗВЕДЗЕВА
У суботу, 25 лiстапада, у мiнскiм архiкатэдральным касцёле Iмя Найсвяцейшай Панны Марыi па iнiцыятыве Канферэнцыi Каталiцкiх Бiскупаў у Беларусi адбыўся сiмпозiум «Ян Павел II — чалавек веры i культуры». У сiмпозiуме бралi ўдзел усе беларускiя бiскупы, прадстаўнiкi духавенства, касцёльных арганiзацый, свецкiя асобы з Беларусi i з-за мяжы. Ганаровым госцем сiмпозiума стаў Прэфект Кангрэгацыi каталiцкай адукацыi (Мiнiстр адукацыi Ватыкана) кардынал Зянон Грахалеўскi — шматгадовы супрацоўнiк i паплечнiк Папы Яна Паўла II.
Сiмпозiум праходзiў у рамках Года памяцi Яна Паўла II, што сёлета адзначае Касцёл на Беларусi. Асноўнай мэтай канферэнцыi была папулярызацыя вучэння Папы-славянiна. Пасля праслухоўвання дакладаў, а 18-й гадзiне, адбылася святая Iмша, падчас якой удзельнiкi сiмпозiуму малiлiся аб хутчэйшай кананiзацыi Слугi Божага Яна Паўла II. Потым былi ўручаны прызы пераможцам конкурсу ведаў пра Яна Паўла II. Завяршыўся сiмпозiум урачыстым канцэртам, якi падаравалi вернiкам кракаўскi хор Organum, калiсьцi заснаваны Каралем Вайтылам — будучым Папам Янам Паўлам II, i аркестр Ricercar. Падчас працы сiмпозiума адбыўся таксама невялiкi канцэрт арганнай музыкi ў выкананнi прафесара варшаўскай Акадэмii музыкi iмя Ф. Шапэна Магдалены Чайкi.
Чтобы разместить новость на сайте или в блоге скопируйте код:
На вашем ресурсе это будет выглядеть так
У суботу, 25 лiстапада, у мiнскiм архiкатэдральным касцёле Iмя Найсвяцейшай Панны Марыi па iнiцыятыве Канферэнцыi Каталiцкiх Бiскупаў у Беларусi адбыў
|
|