44 працэнты беларусаў зацiкавiлiся ўласным здароўем

Источник материала:

Здароўе, як адзначаюць спецыялiсты, становiцца ўсё больш запатрабаваным i пачынае ўсведамляцца беларусамi ў якасцi сродку абароны сацыяльнага статуса i павышэння сацыяльнай мабiльнасцi. Дарэчы, яшчэ пяць гадоў таму 40,9 працэнта беларусаў ставiлi здароўе толькi на сёмае месца. А падчас апошняга сацыялагiчнага даследавання 43,8 працэнта рэспандэнтаў адзначылi, што пачалi больш уважлiва i зацiкаўлена ставiцца да ўласнага здароўя.

У кола iншых найбольш значных для беларусаў каштоўнасцяў уваходзяць дзецi (iх назвалi 63,8 працэнта рэспандэнтаў) i сям’я (55,8 працэнта). У блiжэйшыя год-два плануюць нараджэнне дзiцяцi 8,1 працэнта апытаных, якiя знаходзяцца ў рэпрадуктыўным узросце. Заўважана, што планаванне нараджэння дзiцяцi з’яўляецца для будучых бацькоў пэўным стымулам, якi прымусiў iх звярнуць увагу на сваё здароўе. Так, напрыклад, жаданне нарадзiць здаровае дзiця прымусiла б у большай ступенi клапацiцца аб сваiм здароўi 22,1 працэнта рэспандэнтаў. Праўда, назiраецца адна тэндэнцыя, якую трэба зламаць, — як высветлiла даследаванне, будучыя мацi больш сур’ёзна ставяцца да свайго здароўя, чым мужчыны, якiм, напэўна, не хапае часу i жадання, каб заняцца ўласным здароўем. I нават нараджэнне будучага дзiцяцi не з’яўляецца для iх дастатковым стымулам...