Праграма, якая дасць iмпульс усёй эканомiцы

Источник материала:

Ва ўрадзе

Аб тым якiя крокi ў гэтым напрамку неабходна прадпрыняць у нашай краiне, дзе знайсцi дадатковыя крынiцы фiнансавання новых працоўных месцаў — iшла гаворка на ўчарашнiм пасяджэннi Прэзiдыума Савета Мiнiстраў пад старшынствам прэм’ера Сяргея Сiдорскага. Тут абмяркоўваўся праект Дзяржаўнай праграмы садзейнiчання занятасцi ў 2007 годзе.

Для Беларусi гэта сапраўды актуальная тэма: як сведчыць iнфармацыя Мiнiстэрства працы i сацыяльнай абароны, летась колькасць занятых у айчыннай прамысловасцi вырасла адразу на 25 тысяч чалавек. У той жа час на пачатак студзеня ў службах занятасцi было зарэгiстравана больш як 52 тысячы беспрацоўных пры амаль 45 тысячах зарэгiстраваных жа вакантных месцах. На рынку працы сёння найбольшым попытам карыстаюцца найперш будаўнiчыя спецыяльнасцi — мантажнiкi, муляры, тынкоўшчыкi, а таксама — электраманцёры, слесары-сантэхнiкi, вадзiцелi, токары. У той жа час цяжэй знайсцi працу зараз юрыстам, эканамiстам, педагогам. Вось чаму, паводле слоў Сяргея Сiдорскага, праграма, якая прадстаўлена на разгляд урада, носiць збалансаваны характар. Як адзначыў прэм’ер-мiнiстр, у блiжэйшы час прадугледжваецца стварэнне 140 тысяч новых працоўных месцаў, прычым 21 тысяча iх з’явiцца ў малых i сярэднiх гарадах. Гэтая праграма стварае ўмовы для таго, каб усё працаздольнае незанятае насельнiцтва магло атрымаць магчымасць працаўладкавацца.

Асаблiвыя гарантыi занятасцi прадастаўляюцца сацыяльна менш абароненым катэгорыям насельнiцтва. «Падтрымка сiрот, iнвалiдаў, шматдзетных мацi i iншых катэгорый грамадзян, якiя не могуць на роўных з iншымi канкурыраваць на рынку працы, вельмi важная задача. I грамадства павiнна аказаць iм максiмальную дапамогу», — заявiў С. Сiдорскi. А вiцэ-прэм’ер Аляксандр Косiнец дадаў: «Стварэнне новых працоўных месцаў патрабуе дадатковага арганiзацыйнага i фiнансавага суправаджэння прафесiйнай падрыхтоўкi спецыялiстаў, таму неабходна распрацоўка канкрэтнага плана прафнавучання з улiкам арганiзацыi новых вытворчасцяў, якiя з’яўляюцца i будуць з’яўляцца ў будучым». Тут трэба наладжваць цеснае ўзаемадзеянне з мясцовымi органамi ўлады, каб вызначыць, якiя канкрэтна спецыялiсты i якая iх колькасць патрэбныя кожнаму канкрэтнаму рэгiёну ў будучым.

Яшчэ адна важная задача ў гэтай сферы — развiццё малога i сярэдняга бiзнэсу. Прычым, як адзначалася на пасяджэннi, дзяржава павiнна «мiнiмiзаваць умяшанне ў работу бiзнэсу». Гэты сектар эканомiкi з’яўляецца адным з прыярытэтаў праграмы сацыяльна-эканамiчнага развiцця краiны. Тут працуюць вельмi таленавiтыя людзi, якiя змаглi наладзiць карпаратыўныя сувязi, даць работу многiм тысячам нашых суайчыннiкаў, гэтыя прадпрыемствы, iндывiдуальныя прадпрымальнiкi плацяць дзяржаве немалыя падаткi, таму i дзяржава, як лiчыць кiраўнiк беларускага ўрада, павiнна спрыяць развiццю прадпрымальнiцтва, ствараць камфортныя ўмовы, каб развiваўся бiзнэс, прычым гэты бiзнэс павiнен быць «празрыстым».

Прынятая праграма занятасцi насельнiцтва, якая павiнна развiвацца ў комплексе з iншымi прыярытэтнымi праграмамi (развiццё вёсак i малых гарадоў, рэалiзацыя iнавацыйных праектаў) павiнна не толькi зменшыць вастрыню праблемы, але, наадварот, да канца года давесцi колькасць занятасцi ў эканомiцы да 4 млн 375 тысяч — 4 млн 448 тысяч чалавек (летась было 4 млн 362 тысячы), што дазволiць больш паспяхова вырашаць пытаннi, якiя стаяць сёння перад беларускай эканомiкай у цэлым.