Сустрэча з партнёрамi — далейшы крок для развiцця

Источник материала:

Стала вiдавочна, што за восем гадоў з пачатку ўсталявання сур’ёзных адносiнаў усiм бакам ёсць што ўзгадаць. На гэты момант, паводле слоў старшынi Данецкай абласной дзяржаўнай адмiнiстрацыi Уладзiмiра Лагвiненкi, адносiны склалiся вельмi добрыя.

— Мы задаволены тым, як развiваецца наша ўзаемадзеянне. Увогуле, Беларусь для Украiны знаходзiцца на трэцiм па значнасцi месцы пасля Расii i Казахстана, па эканамiчных паказчыках супрацоўнiцтва, — паведамiў Уладзiмiр Лагвiненка. — Мы перакананыя, што сённяшнi вiзiт дазволiць яшчэ пашырыць нашы адносiны з Мiнскай вобласцю, i яны i ў далейшым застануцца надзейнымi, трывалымi i ўзаемавыгаднымi.

Старшыня Мiнскага аблвыканкама Мiкалай Дамашкевiч у сваю чаргу адзначыў, што па вынiках сустрэчы ўжо вызначаны першыя накiрункi для далейшага эканамiчнага i культурнага супрацоўнiцтва.

— Праграма будучых адносiнаў памiж рэгiёнамi складваецца вельмi цiкавая. У Данецку ўзводзiцца вялiкi стадыён, i мы мяркуем, што прадукцыя завода па вытворчасцi металаканструкцый, якi знаходзiцца ў Маладзечне, будзе выкарыстоўвацца пры стварэннi гэтага спартыўнага збудавання. Таксама будзем узаемадзейнiчаць у сферах дарожнага будаўнiцтва, камунальнай гаспадаркi, вытворчасцi харчовых тавараў, — падкрэслiў Мiкалай Дамашкевiч.

Асноўнымi вiдамi прадукцыi, якiя былi пастаўлены ў Данецкую вобласць арганiзацыямi Мiншчыны, з’яўляюцца прадукты нафтаперапрацоўкi, запасныя часткi i абсталяванне для аўтамабiляў, будаўнiчыя матэрыялы. Знешнегандлёвы абарот цэнтральнага рэгiёна з Данецкай вобласцю за тры месяцы гэтага года склаў 7585 тысяч долараў, што на 17 працэнтаў вышэй, чым летась.