«Квiтней, Беларусь!»
Юлiя ГУРСКАЯ
Па ўсёй краiне прайшла акцыя «Квiтней, Беларусь!», прысвечаная Дню Дзяржаўнага герба i Дзяржаўнага сцяга Рэспублiкi Беларусь.
Адкрыццё ўрачыстага мерапрыемства адбылося каля архiтэктурна-скульптурнага знака «Беларусь партызанская». У праграмнае мерапрыемства ўваходзiла падвядзенне вынiкаў рэспублiканскага конкурсу сярод юных мастакоў «З чаго пачынаецца Радзiма», якi праводзiўся Беларускiм рэспублiканскiм саюзам моладзi (у красавiку — маi 2007 года). Перад конкурсам прайшлi раённыя, гарадскiя i абласныя этапы, у якiх удзельнiчалi больш за паўтары тысячы работ мастакоў-пачаткоўцаў. Арганiзатары конкурсу iмкнулiся выхаваць павагу да гераiчных i працоўных подзвiгаў старэйшага пакалення, хацелi прыцягнуць дзяцей i падлеткаў да ўсвядомленага пачуцця патрыятызму, да павагi сваёй Радзiмы, развiцця нацыянальнай самасвядомасцi i грамадзянскага абавязку. Усё гэта юныя мастакi адлюстравалi ў сваiх работах. У рады Беларускага рэспублiканскага саюза моладзi i Беларускай рэспублiканскай пiянерскай арганiзацыi былi прыняты самыя актыўныя прадстаўнiкi маладога пакалення. Вельмi важна, што ў рэспублiцы захавана пераемнасць пакаленняў. Старэйшыя хлопцы i дзяўчаты, стаўшы членамi Беларускага рэспублiканскага саюза моладзi, могуць перадаць свой вопыт, свае веды малодшым. Моладзь ва ўсе часы несла i нясе асаблiвую адказнасць за захаванне i развiццё грамадства, за будучыню сваёй краiны. Ад моладзi ў многiм залежыць i далейшы працяг лепшых традыцый, якiя склалiся ў беларускiм грамадстве, сучаснае i будучыня Айчыны. У рамках акцыi па рэспублiцы прайшлi канцэртныя праграмы, семiнары, вiктарыны, конкурсы малюнкаў, фотаработ, сачыненняў, урачыстыя лiнейкi, мiтынгi ля помнiкаў i мемарыялаў воiнскай славы, авiяшоў, мерапрыемствы, звязаныя з прыёмам моладзi ў рады Беларускага рэспублiканскага саюза моладзi i Беларускай рэспублiканскай пiянерскай арганiзацыi з запрашэннем ветэранаў вайны i працы. Акцыя «Квiтней, Беларусь!» заклiкала беларускi народ захоўваць нашы традыцыi, паважаць продкаў, цанiць сваю Радзiму i развiваць пачуццё патрыятызму.
Чтобы разместить новость на сайте или в блоге скопируйте код:
На вашем ресурсе это будет выглядеть так
Па ўсёй краiне прайшла акцыя «Квiтней, Беларусь!», прысвечаная Дню Дзяржаўнага герба i Дзяржаўнага сцяга Рэспублiкi Беларусь
|
|