Гравюра Горадні прадалася за $ 44 тысячы

Источник материала:

Стары Замак, мост церазь Нёман i ўсе цэрквы — манумэнтальная панарама Гораднi паўстае на гэтым медзярыце 1568 году. Гравюра Цюндта памерам 36 на 102 сантымэтры паказвае горад у часе прыгатаваньняў да Люблiнскае унii. На першым пляне маршалак Валовiч вiтае пасольства цара Iвана Жахлiвага. У далечынi адкрываецца панарама места. Яе змаляваў у лiпенi 1568 году вiдавочца, Яна Адэльгаўзэр. А Матыяс Цюндт (1498-1572), знакамiты нюрнбэрскi медзярытнiк, перанёс у форму гравюры. Гэта сапраўдны рарытэт: вядомыя ўсяго некалькi захаваных арыгiналаў гэтай працы. Нiводзiн зь iх не знаходзiцца ў Беларусi.

Адна зь iх, з прыватнай калекцыi, выстаўленая на антыкварны аўкцыён у Варшаве. Ён адбыўся 7 чэрвеня.

Пачатковая цана "Vera designatio urbis in Littavia Grodnae" — так гучыць поўная назва гравюры — складала 40 тысячаў злотых (18,5 тыс. даляраў). Продажная — амаль у 2,5 разу большая — 95 тысячаў злотых.

За яе на варшаўскiм аўкцыёне "Лямус" змагаўся таксама адзiн беларускi бiзнэсовец, але, па ягоным прызнаньнi, выкласьцi такiя грошы ён быў не гатовы.

У вынiку яна адправiцца ў Нацыянальную бiблiятэку Польшчы.

Затое беларускi калекцыянер, якi пажадаў застацца невядомым, купiў у часе аўкцыёну сьцiплы партрэт апошняга караля Рэчы Паспалiтай Станiслава Аўгуста Панятоўскага.