Алею гісторыi Дня беларускага пiсьменства плануецца закласцi ў гарадскiм парку ў Барысаве

Источник материала:

Канцэпцыя юбiлейнага Дня беларускага пiсьменства — гiстарычная роля культуры, беларускага пiсьменства. На гэтым фестывалi будзе прадэманстравана гiсторыя свята, а ўсе гарады, якiя прымалi яго ў свой час, запрошаны з праграмамi. І гэты факт, што Барысаў прымае юбiлейны Дзень беларускага пiсьменства, павiнен быць захаваны для гiсторыi, лiчыць вiцэ-прэм’ер. Каб зрабiць невялiкi помнiк, напрыклад у выглядзе разгорнутай кнiгi, дзе зафiксавана дата правядзення свята, патрэбны будуць не такiя ўжо вялiкiя сродкi. А на алеi, што вядзе да помнiка, трэба ўстанавiць геральдыку кожнага горада, якi прымаў гэта мерапрыемства. У ходзе правядзення мерапрыемстваў па падрыхтоўцы да Дня пiсьменства асвоена Br17 млрд., на працягу астатняга часу будзе асвоена Br15 млн, паведамiў Аляксандр Косiнец.

Адметнай асаблiвасцю юбiлейнага Дня беларускага пiсьменства ў Барысаве стане фестываль гарадоў, якiя ў свой час прымалi гэта свята. Уся гiсторыя Дня беларускага пiсьменства будзе прадстаўлена ў Барысаве. Гэта будзе парад культуры, парад кнiгi Беларусi, дэманстрацыя дасягненняў у галiне лiтаратуры, сродкаў масавай iнфармацыi, сказаў вiцэ-прэм’ер.

Гасцямi Дня беларускага пiсьменства ў Барысаве стануць лiтаратары з Расii, Украiны, Сербii. Аб гэтым на пасяджэннi аргкамiтэта па правядзеннi свята паведамiў намеснiк мiнiстра iнфармацыi Беларусi Iгар Лапцёнак. Усяго прадстаўнiкi каля 30 дзяржаў будуць удзельнiчаць у мерапрыемствах Дня беларускага пiсьменства, iдэйнай дамiнантай якога стане паказ лiтаратурных традыцый беларусаў, высокай духоўнасцi беларускага друкаванага слова, духоўных каранёў народа.