Абзац
Абзац
* Пры кожным раённым аддзеле ДАI арганізаваны прыём iспытаў на атрыманне права кiравання транспартнымi сродкамi катэгорыi А (матацыклы) для вадзiцеляў, якiя падрыхтавалiся самастойна. Прыём iспытаў экстэрнам ажыццяўляецца па папярэднiм запiсе. * Звання "Наймацнейшы школьнiк Вялiкабрытанii" быў удастоены 17-гадовы Кай Томас, якi свабодна прыўздымае легкавыя аўтамабiлi. Томас трэнiруецца, паднiмаючы аўтамабiлi Реugеоt 106 вагой 1,2 т i *issа* Miсrа вагой 1,4 т, што амаль у 15 разоў больш за яго ўласную вагу, якая складае каля 95 кг. Аб’ём бiцэпсаў Кая Томаса — каля 30 см. На спаборнiцтвах за званне наймацнейшага школьнiка Кай перамог, сем разоў падняўшы "бервяно" вагой 76 кг, падняўшы i перакiнуўшы кола ад грузавiка вагой 317 кг i перанёсшы трубы вагой каля 100 кг. * Аўтапаязды з перавышэннем дапушчальнай нормы радыяцыi выведзеныя з агульнага патоку брэсцкiмi памежнiкамi ў пункце пропуску "Казловiчы". Адзiн следаваў са Швейцарыi ў Беларусь i меў перавышэнне радыеактыўнага выпраменьвання больш чым у 3 разы. Выпраменьванне ад другога, якi рухаўся з Германii ў Расiю, перавышала дапушчальнае ў 1,5 раза. * Брытанскiя бацькi будуць афiцыйна iнфармаваныя аб тым, што iх дзецi пакутуюць на атлусценне. Бацькi пачнуць атрымлiваць лiсты аб небяспечным стане дзiцяцi. Такiя меры Мiнiстэрства аховы здароўя Вялiкабрытанii прадпрымае для барацьбы з атлусценнем сярод падлеткаў, якое дасягнула маштабаў эпiдэмii. * Дробнарознiчны гандаль сувенiрамi будзе спынены на Старым Арбаце ў Маскве да канца тыдня. Паводле меркавання сталiчных чыноўнiкаў, на Арбаце размешчана вялiкая колькасць гандлёвых кропак, якiя "парушаюць выгляд старога горада". Прынята рашэнне да 8 жнiўня ўсе аб’екты, акрамя кнiжнага гандлю, адтуль убраць. Поўны абзац * Гэтым летам парыжскiя аэрапорты Шарля дэ Голля i "Арлi" прапаноўваюць усiм ахвотным бясплатныя ўрокi танцаў. Пасажыры, якiя вылятаюць на Кубу, могуць навучыцца сальсэ, а ў Нью-Ёрк — хiп-хопу. Пасажырам iншых рэйсаў прапаноўваюць вывучыць асновы ўсходнiх танцаў, мамбы або танга. У Аеrороrts dе Раris лiчаць, што 15-хвiлiнныя ўрокi танцаў дапамагаюць парыжанам увайсцi ў рытм адпачынку. Ахвотныя парухацца ў чаканнi вылету атрымлiваюць навушнiкi, з дапамогай якiх слухаюць выбраную музыку, а таксама iнструкцыi выкладчыкаў. Паводле паведамленняў карэспандэнтаў "Звязды" і інфармагенцтваў.
Чтобы разместить новость на сайте или в блоге скопируйте код:
На вашем ресурсе это будет выглядеть так
Пры кожным раённым аддзеле ДАI арганізаваны прыём iспытаў на атрыманне права кiравання транспартнымi сродкамi катэгорыi А (матацыклы) для вадзiцеляў,
|
|