Дыпмісiю высока ацанiлi

Источник материала:

Такое меркаванне Старшыня Палаты прадстаўнікоў Нацы- янальнага сходу краіны агучыў падчас сустрэчы з паслом Кiтая ў Беларусi У Хунбiнем з нагоды завяршэння яго дыпламатычнай мiсii ў нашай краiне. На такой пасадзе спадар У Хунбiнь працаваў амаль тры гады. Ён прызнаўся, што гэты час прайшоў для яго вельмi хутка: "Калi жыццё поўнае работы, а тым больш прыемнай работы, яно праходзiць незаўважна". Ацэнку ж яго працы даў спiкер нiжняй палаты беларускага парламента Вадзiм Папоў, ён адзначыў высокую эфектыўнасць удзелу кiтайскага пасла ва ўсiх працэсах, што адбываюцца ў дзяржаве.

— Развiтваючыся з вашым папярэднiкам, мы абмяркоўвалi тэму росту ўзаемных гандлёвых адносiнаў i ставiлi задачу выйсцi на мiльярд долараў ЗША, — прыгадаў спiкер. — Гэта лiчба рэалiзаваная з вашым актыўным удзелам. Упэўнены, што на сёння мы ўжо перасягнулi мiльярд долараў, i недзе блiзка да двух мiльярдаў будзем па вынiках гэтага года. Тое, што ваша грашовая адзiнка — юань — уключаецца ў сiстэму нашай грашова-крэдытнай палiтыкi, у гэтым таксама ёсць вялiкая ваша заслуга. Гэтаму садзейнiчае выдзяленне крэдытаў на мадэрнiзацыю асобных аб’ектаў нашай вытворчасцi, а таксама ўзаемныя вiзiты дзяржаўных дзеячаў, парламенцкiх дэлегацый. Тая прававая база, што створана i ствараецца, дазваляе мець аптымiстычны погляд у будучыню на нашы двухбаковыя адносiны.

Вадзiм Папоў падкрэслiў, што адносiны з КНР — прыярытэт у знешняй палiтыцы Беларусi. "I гэта не проста словы", — дадаў ён. Не абмiнуў спiкер i ўзаемныя стасункi на мiжнароднай арэне. Старшыня Палаты прадстаўнiкоў з задавальненнем адзначыў, што Беларусь заўсёды адчувае падтрымку кiтайскага боку ва ўсiх мiжнародных структурах. "КНР выступае супраць аднапалярнага свету, гэта адпавядае нашай палiтыцы", — заключыў Вадзiм Папоў.

Спадар пасол быў салiдарны: "Ваша краiна праводзiць знешнюю палiтыку, што супадае з нашай стратэгiяй знешняй палiтыкi. Тут мы заўсёды знаходзiм агульную мову i трывала супрацоўнiчаем". Ён пазiтыўна ацанiў шлях развiцця Беларусi i дадаткова згадаў, што паводле яго назiранняў, у краiне апошнiм часам былi распрацаваныя розныя нарматыўныя акты, якiя садзейнiчаюць паляпшэнню ўмоў для развiцця эканомiкi, прыцягнення замежных iнвестыцый.