Сакрэт вадзіцельскай салiдарнасцi
Сакрэт вадзіцельскай салiдарнасцi
Мне было 9 гадоў, калi я адкрыла сакрэт вадзiцельскай салiдарнасцi Мы едзем з татам на машыне ў Брэст, гэта больш за паўсотнi кiламетраў ад дому. — Скiнь хуткасць: схавалiся недзе, — кажа дзядзя Валодзя, якi едзе з намi. Хто схаваўся? Адкуль ён ведае? — Што, падмiргнуў? — падтрымлiвае размову бацька. — А я i не заўважыў. Дык i я нiчога не заўважыла. Хто там каму падмiргнуў? Але хуткасць тата збавiў. — Гэта мы пра даiшнiкаў, — заўважыўшы маю збянтэжанасць, тлумачыць бацька. — А вось i яны. Бачыла, машына насустрач ехала? Яе вадзiцель мiргнуў фарамi — значыць, папярэдзiў, што хутка будзе патрульная машына ДАІ. — Адкуль ты яго ведаеш? — усё яшчэ не разумею я. — Даiшнiка? Дык яго i не ведаю. — Ды не, вадзiцеля, што падмiргнуў. — I яго не ведаю. — Як не ведаеш, ён жа папярэдзiў цябе! Бацька расказаў мне, што ўсе вадзiцелi аднойчы дамовiлiся дапамагаць адзiн аднаму. З тых часоў i папярэджваюць, падмiргваючы фарамi. А я, маленькая, наiўная, нiяк не магла паверыць, што дарослы незнаёмы дзядзька, якi нiколi да гэтага не бачыў нас i, хутчэй за ўсё, не ўбачыць, вырашыў нам дапамагчы. Я ж добра ведала, якiя прагматычныя i карыслiвыя дарослыя. Але нават у iх бывае вадзiцельская салiдарнасць! У 17 гадоў я расчаравалася ў вадзiцельскай салiдарнасцi Мы каталiся з сябрам на машыне. I не разлiчылi: за горадам скончыўся бензiн. Уключылi "аварыйку", выйшлi з машыны i чакаем дапамогi. Праехала адна машына, другая, трэцяя... На дварэ сцямнела. Стала страшна i холадна. Мацi дома хвалюецца. А мы сядзiм ля нерухомай машыны i нiчога зрабiць не можам. У лесе ля дарогi пачуўся смех, завiднелася вогнiшча — нехта прыехаў на шашлыкi. Сябар узяў канiстру i пайшоў на разведку. А я зачынiлася на ўсе замкi, сяджу ў цёмнай машыне i чакаю. Прыйшоў нi з чым. Кажа, толькi адмахнулiся: самiм мала. Прайшло гадзiны паўтары, i мы спынiлi першую машыну. — Не, — кажуць, — бензiну ў нас няма раздаваць, i цягнуць да горада вас не можам. Можам толькi дзяўчыну падкiнуць дадому... Дапамог нам толькi знаёмы матацыклiст, калi ранiцай ехаў па грыбы i знайшоў нас на ўзбочыне з уключанай "аварыйкай". У 22 гады я пераканалася, што на дарозе салiдарнасцi не бывае Мы ехалi ў машыне "Хуткай дапамогi". Мы стаялi на кожным светлафоры, бо не маглi выехаць з агульнага патоку. Нiводзiн вадзiцель не дазваляў нам абагнаць яго. А калi спрабавалi, то несусветная лаянка сыпалася ў наш бок. Добра, што не кожнае слова можна прачытаць па вуснах праз шкло другога аўтамабiля. Мы паспелi. Але я больш нiколi не паверу, што бываюць салiдарныя вадзiцелi. Можаце пераканаць мяне ў iншым? Паспрабуйце! Сустрэнемся на дарогах! Таццяна Салдаценка.
Чтобы разместить новость на сайте или в блоге скопируйте код:
На вашем ресурсе это будет выглядеть так
Мне было 9 гадоў, калi я адкрыла сакрэт вадзiцельскай салiдарнасцi Мы едзем з татам на машыне ў Брэст, гэта больш за паўсотнi кiламетраў ад дому. —
|
|