Пераднавагоднія знiжкi пры набыццi сталiчнай нерухомасцi дасягаюць 5—7 тыс. USD

Источник материала:

Разам з тым большая колькасць прадаўцоў стандартных мiнскiх кватэр спрабуюць утрымлiваць завоблачныя цэны на ранейшым узроўнi. Ужо на працягу двух апошнiх месяцаў сярэднi кошт квадратнага метра аднапакаёвых i двухпакаёвых кватэр Мiнска на другасным рынку жылля застаецца на ўзроўнi 1900-2000 долараў. Аднак патэнцыяльныя пакупнiкi ўвогуле адмаўляюцца набываць кватэры, калi квадратны метр агульнай плошчы прапануецца даражэй за 1700—1800 долараў. У сувязi з гэтым другасны рынак жыллёвай нерухомасцi сталiцы сёння практычна замарозiўся. За апошнiя тры тыднi на рынку было аформлена каля дзесяцi здзелак куплi-продажу кватэр. Нагадаю, што яшчэ летам i восенню на рынку прадавалася прыкладна да 500 кватэр. Агульная база прапаноў кватэр на продаж дасягнула сёння каля 8 тысяч аб’ектаў жыллёвай нерухомасцi. Улiчваючы амаль нулявы попыт, прадаўцы пры рэальных здзелках усё часцей згаджаюцца на сур’ёзныя знiжкi. Нават пры продажы не вельмi дарагiх кватэр стандартная знiжка складае 2-3 тысячы долараў. Пры продажы двухпакаёвых цi трохпакаёвых кватэр снежаньскiя скiдкi могуць дасягаць нават 5—7 тысяч долараў, упэўнены Мiкалай Прасталупаў.

Разам з тым, гэтымi днямi iнфармацыйныя агенцтвы паведамляюць аб тым, што ў асобных выпадках кошт звычайных аднапакаёвых кватэр у стандартных панэльных дамах знiзiўся ажно на 9 тысяч долараў. Гаворка iдзе аб тым, што тры месяцы таму вельмi сквапныя гаспадары нерухомасцi часам выстаўлялi на продаж свае аднапакаёўкi не ў самых лепшых мiкрараёнах сталiцы па завышаным кошце, якi дасягаў нават больш як 75 тысяч долараў. Цяпер такiя прадаўцы ўжо зразумелi, што сёння па такiм кошце звычайныя кватэры нiхто не купiць i пачалi прапаноўваць сваё жыллё па рэальных цэнах.

Мiж iншым, спецыялiсты рынку нерухомасцi ўпэўненыя, што ў новым годзе кватэры ў новабудоўлях будуць таннець хутчэйшымi тэмпамi, чым на другасным рынку. Справа ў тым, што забудоўшчыкам сёння неабходна шукаць грошы для працягвання будаўнiцтва, а таксама для таго, каб вяртаць узятыя раней крэдыты.