НАВАГОДНІ ЗВАРОТ Прэзiдэнта Рэспублiкi Беларусь А.Р. Лукашэнкi да беларускага народа 31 снежня 2008

Источник материала:

Дарагiя сябры!

Бадай, няма больш доўгачаканага, цёплага i радаснага свята, чым Новы год. У iм увасоблена ўсё — нараджэнне новай мары, прымiрэнне i згода, яднанне i вера.

Дзiвосная ўласцiвасць навагодняй ночы яшчэ i ў тым, што ўсяго за некалькi гадзiн мы як быццам бы зноў перажываем падзеi, што адбылiся з намi ў нядаўнiм мiнулым. Аналiзуем iх, ацэньваем. I ў той жа час бачым сябе ўжо ў будучынi.

I хоць адыходзячы год быў высакосны, на яго не варта скардзiцца. Ён прынёс нам не толькi цяжкасцi i перажываннi, але i падарыў шэраг значных здзяйсненняў i надзей. Быў цiкавы, насычаны i ў цэлым паспяховы для краiны.

Праводзячы яго, мне хочацца выказаць шчырую ўдзячнасць вам, мае суайчыннiкi, за ўсё, што мы разам зрабiлi.

Вялiкi дзякуй тым, хто вырасцiў i сабраў самы вялiкi ў нашай гiсторыi ўраджай, забяспечыў завяршэнне газiфiкацыi краiны, асвоiў найскладанейшыя аперацыi, зрабiўшы сапраўдны прарыў у медыцыне. Хто свядома i сумленна дзень пры днi працаваў, аддана служыў сваёй Айчыне.

Я сардэчна дзякую ўсiм грамадзянам краiны за давер, якi вы заўсёды аказваеце ўладзе, за спакой i мудрасць.

Мы яшчэ раз адчулi сябе звязанымi свяшчэнным адзiнствам, iмя якому — народ Беларусi. Пераканалiся: у нас фармiруецца здаровая нацыя. Здаровая не толькi фiзiчна, але i духоўна.

Канфлiкты, разлад не разрываюць наша грамадства. Беларусы, рускiя, палякi, яўрэi, людзi розных веравызнанняў мiрна жывуць побач, ствараюць сем’i, не ставячы памiж сабой бар’ераў.

Беларусь — еўрапейская дзяржава. I нам не трэба гэта даказваць.

Мы нiколi нi з кiм не сварылiся i нiкому не стваралi праблемаў. Нашы сэрцы заўсёды адкрыты тым, хто iдзе да нас з дабром.

Адыходны год яшчэ больш умацаваў нашу ўпэўненасць у правiльнасцi выбранага шляху.

Часам я думаю, якая усё ж цiкавая штука гiсторыя! Тыя хто яшчэ ўчора нас павучалi, цяпер з павагай гавораць пра беларускую мадэль развiцця.

I сёння, калi "iнфекцыя", што накапiлася ў сусветнай эканомiцы, вылiлася ў найглыбейшы крызiс, высветлiлася, што мы гэтыя гады ўсё рабiлi правiльна. Выбiралi свой шлях часам навобмацак, iнтуiтыўна. Але зыходзiлi з галоўнага — жыць трэба сваiм розумам, сваёй працай i ў iмя iнтарэсаў народа.

Успомнiце, як нас крытыкавалi за тое, што мы не далi памерцi вёсцы. Але, калi грымнуў харчовы крызiс, у выйгрышы апынулiся краiны, якiя могуць самi сябе забяспечваць прадуктамi харчавання. У iх лiку i наша Беларусь, якая ўсямерна падтрымлiвае сваiх сялян.

Нам настойлiва рэкамендавалi хутчэй поўнасцю падпарадкаваць эканомiку правiлам сусветнай бiржы. Але мы не сталi спадзявацца на спекуляцыйную стыхiю.

Мы не спарадзiлi цяперашнi крызiс, з-за якога лiхаманiць увесь свет. Наадварот, ён з’явiўся вынiкам таго, з чым мы ў сябе заўсёды рашуча змагалiся.

I сёння нас не трэба палохаць гэтым няпрошаным госцем.

Наступны год будзе цяжкi, але беларусам не прывыкаць пераадольваць цяжкасцi. Былi часы i больш цяжкiя.

Тады мы не толькi не скацiлiся ў бездань, а змаглi пабудаваць новую Беларусь з надзейным запасам трываласцi.

Дарагiя суайчыннiкi!

Мы ўступаем у Новы год з вялiкiмi планамi. З упэўненасцю ў сваiх сiлах. У нас ёсць вялiкi стваральны i духоўны патэнцыял.

Мы будзем настойлiва рухацца наперад да высокiх стандартаў якасцi жыцця.

Так, будзе няпроста, але вы павiнны ведаць: улада не дапусцiць абвалу i хаосу, не здрадзiць вашаму даверу. Мы нiколi не парушым свой прынцып — клопат пра чалавека!

Галоўнае — нельга забывацца, што ўсё залежыць ад нас самiх! Бо моцных выпрабаваннi робяць больш моцнымi, а слабых i маладушных — губяць.

Перакананы, мы не толькi справiмся з цяперашнiмi праблемамi, але станем яшчэ больш загартаванымi i ўпэўненымi ў сабе.

Дарагiя сябры!

2009 год на парозе. Праз хвiлiну мы ступiм у яго з’яднанай беларускай сям’ёй.

Нам ёсць чым ганарыцца. Мы — беларусы! Са слаўным гераiчным мiнулым, стваральным сучасным, уражальным будучым.

Мы ўступаем у шэсцьдзесят пяты мiрны год.

I нездарма ён аб’яўлены Годам роднай зямлi. Наша зямля — цудоўны куток планеты, падораны нам Богам. I мы павiнны перадаць яе ў спадчыну дзецям i ўнукам яшчэ больш прыгожай i добраўпарадкаванай.

У гэты вечар, калi мы адкрыта глядзiм адзiн аднаму ў вочы, думаецца пра звычайнае чалавечае шчасце. А яго формула простая — дастойна жыць, кахаць i быць каханымi, адчуваць цяпло ў сямейным коле, бачыць здаровымi i паспяховымi сваiх блiзкiх.

Няхай у Новым годзе ў вас усё гэта будзе.

Няхай адыдуць засмучэннi i нягоды, а сэрцы напоўняцца верай i аптымiзмам.

Жадаю, каб у вашых дамах заўсёды панавала згода i быў дабрабыт.

Каб гучаў дзiцячы смех i свяцiлiся шчасцем вочы жанчын.

Кожнаму з вас болей яркiх жыццёвых iмгненняў i радасных здзяйсненняў.

Няхай збудуцца добрыя надзеi i самыя смелыя мары.

Здароўя, шчасця i ўдачы вам, дарагiя сябры.