Транспартны пракурор вымагаў 1,5 тыс. долараў

Источник материала:

Начальнiк аддзела фiлiяла транспартнай iнспекцыi па Вiцебскай вобласцi атрымаў хабар на агульную суму больш за 4 тыс. долараў, паведамiў следчы па найважнейшых справах следчага аддзела пракуратуры Вiцебскай вобласцi Андрэй Грыгор’еў.

З 2006 па 2008 год 33-гадовы мужчына спачатку ў якасцi вядучага спецыялiста, а потым у статусе начальнiка аддзела лiцэнзавання i кантролю за транспартнай дзейнасцю атрымаў грашовыя ўзнагароджаннi за станоўчае вырашэнне пытанняў, якiя ўваходзяць у яго кампетэнцыю. Так, за 300 долараў ён дапамог паскорыць рэгiстрацыю аўтамабiля ў якасцi таксi i атрымаць на яго лiцэнзiйную картку, за 300 еўра згадзiўся не прымаць належныя меры па выяўленых парушэннях у ажыццяўленнi транспартнай дзейнасцi на адной з фiрмаў абласнога цэнтра, а за 700 долараў выдаў неабходныя даведкi для ДАІ.

Загубiла начальнiка банальная прагавiтасць: супрацоўнiкi аднаго з прыватных прадпрыемстваў горада звярнулiся ў праваахоўныя органы, калi ён запатрабаваў 1,5 тыс. долараў за непрыняцце мераў па выяўленых парушэннях.

Паводле звестак упраўлення iнфармацыi i грамадскiх сувязяў МУС, аперацыю, у ходзе якой было затрымана больш за два дзясяткi членаў мiжнароднай злачыннай арганiзацыi, правялi сумесна праваахоўнiкi нашай краiны, Расii, Iзраiля i Украiны. У Маскве было затрымана 13 гандляроў "жывым таварам", у Iзраiлi — 12. У нашай рэспублiцы вярбоўшчыка, якi адказваў за пастаўку дзяўчат за мяжу з тэрыторыi Беларусi, арыштавалi ў Бабруйску. 32-гадовы арганiзатар злачыннай групы быў судзiмы. Выяўлены асобы дзесяцi ахвяр, якiх ён вывез на "працу" за мяжу. Сярод iх ёсць i няпоўнагадовыя з няўдалых сем’яў.

Пацярпелых у расiйскую сталiцу злачынцы заманьвалi, абяцаючы працаўладкаваць iх у замежныя забаўляльныя ўстановы ў якасцi танцоўшчыц, афiцыянтак, барменаў i г.д. Прычым, гарантуючы на словах дзяўчатам прыстойную працу, "дабрадзеi" аплачвалi iм праезд, афармлялi дакументы на выезд за мяжу. Казка заканчвалася па прыездзе ў Маскву, калi ў пацярпелых забiралi пашпарты i бралi распiскi аб абавязацельстве вярнуць сродкi за арганiзацыю выезду. Калi хтосьцi з дзяўчат пачынаў упарцiцца, не згаджаючыся танцаваць пад дудку вярбоўшчыкаў, да iх прымянялi сiлу.