Гвалтаўнiка затрымалi

Источник материала:

Своеасаблiвы спосаб зарабляць грошы знайшла раней судзiмая за прычыненне цяжкiх цялесных пашкоджанняў i непрацуючая 32-гадовая жыхарка Калiнкавiчаў. На працягу двух месяцаў, са снежня 2008 года па студзень 2009-га, яна прымушала 16-гадовую дзяўчыну, вучанiцу адной з калiнкавiцкiх школ, займацца прастытуцыяй у населеным пункце Васiлевiчы i на аўтадарозе Калiнкавiчы-Гомель. Метады, якiя сутэнёрка выкарыстоўвала, можна назваць самымi жорсткiмi — дзяўчына пастаянна цярпела ад пабояў "мамкi" або чула пагрозы ў свой бок. Вядома, што за "паслугi" зводнiца брала з клiентаў, у асноўным "дальнабойшчыкаў", 40-45 тысяч беларускiх рублёў. Узбуджана крымiнальная справа.

Тры гады запар у кватэры жыхароў з в. Савiчы Баранавiцкага раёна ўзнiкаў пажар. Пенсiянерка i яе 36-гадовы сын любiлi выпiць, а пасля гэтага — непатушаная цыгарэта i... дым, хуткая дапамога. I вось на трэцi раз жыхарам злашчаснай кватэры не пашанцавала. Iх знайшлi ў задымленых пакоях мёртвымi.

Бяда здарылася з дзяўчынай у роднай вёсцы. Жыхарка Брэста прыехала да бацькоў у Даманава Iвацэвiцкага раёна начной электрычкай. Каля дванаццацi ночы яна выйшла з цягнiка i пайшла па цёмнай пустой вулiцы. Там на яе напаў зламыснiк i ажыццявiў свой злачынны напад. Да ранiцы аператыўнiкi Iвацэвiцкага РАУС знайшлi гвалтаўнiка i затрымалi. Мiлiцыянеры не раяць маладым жанчынам хадзiць па начных вулiцах у адным нават у правiнцыi. А калi ўсё ж здараецца прыязджаць позна, трэба паклапацiцца пра бяспеку, набыць хоць бы электрашокер.