Пазбаўленне волi перастала пераважаць у сiстэме крымiнальных пакаранняў

Источник материала:

Ён падкрэслiў, што Вярхоўны суд адзначае нiзкую эфектыўнасць такога вiду пакарання, як пазбаўленне волi. "Знаходжанне асобы ў папраўчых установах становiцца школай крымiнальных паводзiнаў. У вынiку грамадства атрымлiвае чалавека са сфармiраванымi антыграмадскiмi ўстаноўкамi, якi з цяжкасцю адаптуецца да жыцця на волi i нярэдка ўчыняе паўторнае злачынства", — адзначыў Валерый Калiнковiч.

Практычна палавiна асуджаных адбываюць пакаранне за крадзеж маёмасцi. Пацярпелых ад такiх злачынстваў у першую чаргу цiкавяць не найбольш суровыя пакараннi злачынца ў выглядзе пазбаўлення волi, а кампенсацыя нанесенай шкоды. Гэтага не заўсёды можна дасягнуць шляхам iзаляцыi злачынца, якi павiнен прымаць меры па кампенсацыi шкоды, адзначыў Валерый Калiнковiч.

Акрамя таго, утрыманне большай колькасцi асуджаных у папраўчых установах цяжарам кладзецца на бюджэт дзяржавы. Такое ўтрыманне складае Br15 млрд у месяц.

Тым не менш, як заявiў Валерый Калiнковiч, судамi не дапускалiся i не будуць дапускацца неапраўданыя паслабленнi адносна асобаў, якiя ўчынiлi цяжкiя i асаблiва цяжкiя злачынствы. "Эру неапраўданай мiласэрнасцi нiхто аб’яўляць не будзе", — сказаў ён. У 2008 годзе за цяжкiя i асаблiва цяжкiя злачынствы асуджаны 5,7 тыс. чалавек. Сярод iх амаль 600 забойцаў, больш як 1600 людзей, якiя наўмысна нанеслi цяжкiя цялесныя пашкоджаннi, 692 гандляры наркотыкамi, 530 асаблiва злосных хулiганаў, 253 гвалтаўнiкi, 161 хабарнiк.

На 1 студзеня гэтага года ў месцах пазбаўлення волi знаходзiлася 36,7 тыс. чалавек. З iх больш як 6 тыс. адбываюць пакаранне другi раз, амаль 8 тыс. — трэцi, 17 тыс. — упершыню.