Беларускіх вайскоўцаў будуць кармiць па-новаму

Источник материала:

Набор прадуктаў, якiмi забяспечваюцца салдаты тэрмiновай службы, крыху зменены — як адзначыў намеснiк мiнiстра, "з улiкам асаблiвасцяў вучэбна-баявой падрыхтоўкi розных вайсковых кантынгентаў, уздзеяння на арганiзм фактараў навакольнага асяроддзя, а таксама прынцыпаў збалансаванага харчавання". Напрыклад, замест прызначаных раней 100 грамаў хлеба ў пайку цяпер — булачка з пшанiчнай мукi, замест 100 грамаў мяса — 80 грамаў каўбасных вырабаў, а тлушчы жывёльнага паходжання яшчэ пару гадоў таму былi замененыя раслiнным алеем. У пайку для сувораўцаў павялiчана колькасць малочных прадуктаў. Таксама ў новы агульнавайсковы паёк, якi да канца гэтага года пасля ўзгаднення з пэўнымi дзяржаўнымi ўстановамi будзе ўведзены ў беларускай армii, дадаткова трапяць 10 грамаў сыру, 20 грамаў смятаны, 1 курынае яйка ў дзень, 50 грамаў соку i 5 грамаў часнаку.

Варта адзначыць, што распрацаваны Мiнiстэрствам абароны краiны абноўлены варыянт пайка праходзiць экспертызу i ўзгадненне ў Рэспублiканскiм навукова-практычным цэнтры гiгiены. "Былi прааналiзаваныя таксама харчовыя пайкi, якiя прынятыя ў iншых краiнах — напрыклад, у Расiйскай Федэрацыi, Украiне, — расказаў начальнiк харчовага ўпраўлення Мiнiстэрства абароны палкоўнiк Рыгор Голуб. — Новы паёк для беларускай армii фактычна не адрознiваецца ад нормаў нашых суседзяў, хiба што ў межах некалькiх грамаў".

Акрамя таго, паведамiў намеснiк мiнiстра абароны Аляксандр Балiгатаў, на базе 50-й змешанай авiяцыйнай базы распачаты эксперымент па частковым выкарыстаннi "шведскага стала". Хоць па сутнасцi больш правiльна назваць гэту форму харчавання комплексным абедам — салдаты могуць выбiраць адзiн з некалькiх варыянтаў страў: закусак, першай i другой страў, напояў.

На сёння кошт аднаго дзённага агульнавайсковага пайка складае 6380 беларускiх рублёў. Але пры гэтым, запэўнiвае начхарч, норма харчавання ўключае ў дастатковай колькасцi i сокi, i свежую гароднiну, i вiтамiны, i мiнералы. "Вядома, гэта не абсалютна iдэальны варыянт, — згаджаецца Рыгор Голуб, — але рацыён харчавання збалансаваны, плюс фiзiчная нагрузка, здаровы лад жыцця... Нiводны вайсковец пасля звальнення ў запас не вярнуўся дадому з меншай вагой, чым была ў яго тады, калi ён прызываўся".