Старшыню рэкамендавана вызвалiць...

Источник материала:

Супрацоўнiкi Камiтэта дзяржаўнага кантролю Вiцебскай вобласцi прааналiзавалi, як у рэгiёне ствараецца статак мясной жывёлагадоўлi. Вядома, што ў адрозненне ад "малочных" кароў, першыя не патрабуюць значных матэрыяльных выдаткаў. Паралельна можа вырашацца пытанне вытворчасцi высакаякаснай ялавiчыны. Ды i магчыма эфектыўна выкарыстоўваць масiвы натуральных кармавых угоддзяў. А яшчэ гэты кiрунак жывёлагадоўлi вельмi перспектыўны для рэгiёнаў з нiзкай шчыльнасцю насельнiцтва. Ёсць i iншыя плюсы.

Па звестках дзяржаўнай статыстычнай справаздачы на пачатак красавiка ў сельскагаспадарчых арганiзацыях Вiцебскай вобласцi мелася 24,4 тысячы кароў мяснога кiрунку (12,3 працэнта ад агульнай колькасцi).

Як паказалi сёлетнiя праверкi, у шэрагу гаспадарак работа па стварэннi статкаў мяснога кiрунку i ўмоў для iх утрымання ў адпаведнасцi з тэхналогiяй фактычна не праводзiлася. Толькi справаздачы прадстаўлялiся. Пры гэтым пагалоўе кароў мяснога кiрунку, што адзначалася ў справаздачах, утрымлiвалася разам з дойным статкам. Мясных кароў даiлi, i гэтае малако ўлiчвалася ў агульным валавым надоi па гаспадарцы. Гэта ў сваю чаргу прыводзiла да скажэння паказчыка прадукцыйнасцi дойнага статка.

Вось прыклад. Падчас праверкi СВК "Агра-Селiшча" Ушацкага раёна ў лютым гэтага года выявiлi скажэнне дзяржаўнай статыстычнай справаздачы па колькасцi кароў. З 415 кароў 227 былi паказаны каровамi "малочнага кiрунку", астатнiя — "мяснымi". Апошнiя ўтрымлiвалiся са сваiмi малочнымi сёстрамi, iх таксама даiлi. І атрыманае ад iх малако ўлiчвалася ў валавым надоi па гаспадарцы. Аналагiчная сiтуацыя выяўлена праверкай у сакавiку ў СВК "Iллюшынскi" таго ж раёна.

За парушэнне парадку прадстаўлення дзяржаўнай статыстычнай справаздачнасцi два СВК аштрафаваны на 3,5 мiльёна рублёў. На пасяджэннi райвыканкама з удзелам спецыялiста Камiтэта i кiраўнiкоў усiх гаспадарак раёна пасля разгляду вынiкаў праверкi фiнансава-гаспадарчай дзейнасцi СВК "Агра-Селiшча" прынялi рашэнне рэкамендаваць агульнаму сходу гаспадаркi вызвалiць старшыню кааператыва ад займаемай пасады.