Абзац

Источник материала:

Акцыя па аснашчэннi ўрачоў першаснага звяна глюкометрамi стартавала ў Вiцебску. Учора ў палiклiнiцы № 3 абласнога цэнтра адбылася першая перадача ўрачам экспрэс-вымяральнiкаў канцэнтрацыi цукру ў крывi. Цяпер яны могуць праводзiць аналiз прама на прыёме без накiравання пацыентаў у лабараторыю. 50 апаратаў перададзеныя расiйскiм прадпрыемствам "Элта", якое выступiла спонсарам акцыi. Мяркуецца забяспечыць такiмi прыборамi i iншыя палiклiнiкi горада.

Непрацуючы 36-гадовы жыхар вёскi Лешня быў затрыманы супрацоўнiкамi мiлiцыi пры збыце 470 патронаў да аўтамата Калашнiкава. Таксама ў Гомельскай вобласцi супрацоўнiкi мiлiцыi канфiскавалi ў 58-гадовага жыхара вёскi Валосавiчы Акцябрскага раёна самаробны карабiн i 14 патронаў да яго. Зброя была прыстасавана для стральбы малакалiбернымi патронамi. Заведзены крымiнальныя справы.

Брытанскiя фiзiкi распрацавалi незвычайную сiстэму, якая здольная падаваць электрычнасць са звычайнай разеткi без якiх бы там нi было правадоў. Па словах распрацоўшчыкаў, сiстэма грунтуецца на базавых законах фiзiкi i можа быць выкарыстана для бесправадной падачы электрычнасцi на самыя разнастайныя хатнiя прыстасаваннi. Такiм чынам яна можа дапамагчы пазбавiць мiльёны дамоў i офiсаў ад соцень тысяч кiламетраў правадоў i мноства акумулятараў. У аснове прынцыпу дзеяння ўстаноўкi ляжыць прынцып рэзанансу. Устаноўка не прыносiць шкоды здароўю чалавека.