Вырашэнне праблемы падтаплення абыдзецца Мiнску ў Br1 трлн.

Источник материала:

На стварэнне ў Мiнску эфектыўнай сiстэмы лiўневай каналiзацыi, а на гэта спатрэбiцца амаль 10 гадоў, з бюджэту горада плануецца накiраваць Br1 трлн. Аб гэтым паведамiў выконваючы абавязкi старшынi Мiнскага гарвыканкама Мiкалай Ладуцька на аператыўнай нарадзе ў мэрыi, перадае карэспандэнт БЕЛТА.

Мiкалай Ладуцька адзначыў, што новая сiстэма лiўневай каналiзацыi зможа спраўляцца з мацнейшымi лiўнямi (да 100 мм ападкаў) за 10—15 мiнут. Будаўнiцтва новага адгалiнавання калектара "Цэнтр" пачалося ў Мiнску ў 2008 годзе. Гэта эксперыментальны праект па будаўнiцтве сетак дажджавой каналiзацыi: спецыялiсты выкарыстоўваюць тэхналогii бестраншэйнай пракладкi камунiкацый. Яго ўнiкальнасць у тым, што калектар упершыню будуецца закрытым спосабам — пад зямлёй, i нават пад жылой забудовай, тым самым не ствараючы часовых нязручнасцяў для насельнiцтва прылеглых тэрыторый. Людскую працу пад зямлёй замяняе спецыяльная тунэлепраходная машына.

Новае адгалiнаванне калектара "Цэнтр" праляжа ад МКАД да прамвузла Калядзiчы. Плануецца пабудаваць дзве помпавыя станцыi, каскад ачышчальных збудаванняў. Рэалiзацыя праекта ў поўным аб'ёме дасць магчымасць выключыць падтапленне вулiчна-дарожнай сеткi ў Цэнтральным, Фрунзенскiм i Маскоўскiм раёнах, у тым лiку праспекта Пераможцаў i вулiцы Нямiга — самых затапляльных мясцiнаў. Будаўнiцтва першай чаргi калектара намечана завяршыць у 2011 годзе.

Як паведамлялася, 24 лiпеня з 14.45 да 16.30 у Мiнску выпала 56,4 мм ападкаў, або 60 працэнтаў месячнай нормы. Падтоплены былi 77 участкаў праезнай часткi, 64 падвалы нежылых адмiнiстрацыйных будынкаў. Выпадкаў гiбелi людзей не зарэгiстравана.