Капейка рубель беражэ
09.11.2018
—
Новости Культуры
|
Калі чалавек з душой ставіцца да сваіх прафесіянальных абавязкаў, то гэта будзе відаць заўсёды, нават тады, калі ён адпачывае. Прынамсі такое меркаванне склалася ў мяне пра начальніка ўчастка ачысткі РУП “Валожынскі жылкамунгас” Людмілу Іосіфаўну Жалтко. На экскурсіі выхаднога дня ў Івянцы яе пільнае вока заўважыла, як работнік аднаго з прыватных магазінаў старанна ўпакоўваў лісты кардону. Жанчына станоўча ацаніла яго дзеянні і дадала: “Шкада, што мала хто задумваецца, наколькі выгадна здаваць другасную сыравіну…” Цяпер для гэтага створаны ўсе ўмовы. Жылкамунгас штодня адпраўляе па зададзеных маршрутах перасоўны нарыхтоўчы пункт, які купляе ў насельніцтва шклабой, макулатуру, ПЭТ-бутэлькі, поліэтылен, няспраўную бытавую тэхніку. Райцэнтр тройчы на тыдзень аб’язджае аўтамабіль, спецыялізаваны для збору адходаў, якія падлягаюць перапрацоўцы. Жыхары Папоўкі могуць яго бачыць па панядзелках з 8.30 да 10.00, серада адведзена для абслугоўвання вуліцы Партызанскай, пятніца – для мікрараёна Сельгастэхніка. Падлічана: калі раздзяляць смецце і здаваць яго нарыхтоўшчыкам, то штомесяц можна зарабіць да 2-х рублёў. Магчыма, хтосьці запярэчыць: не такія ўжо і вялікія грошы. А, між тым, за адвоз цвёрдых бытавых адходаў мы за месяц выкладаем ад 1 рубля 30 капеек да 1 рубля 60 капеек. Прыкіньце, якая сума набягае за год ці больш. Некаторыя людзі ўжо адчулі выгаду і актыўна ўключыліся ў магчымасць папоўніць сямейны бюджэт за кошт разумнага стаўлення да адходаў. Алена ЗБІРЭНКА Чтобы разместить новость на сайте или в блоге скопируйте код:
На вашем ресурсе это будет выглядеть так
Калі чалавек з душой ставіцца да сваіх прафесіянальных абавязкаў, то гэта будзе відаць заўсёды, нават тады, калі ён адпачывае. Прынамсі такое меркаванне...
|
|