Нацбанк уводзiць у абарачэнне памятныя манеты "Мiжнародны фестываль мастацтваў "Славянскi базар у Вiцебску"

27.06.2011 12:08 — Новости Экономики |

Размер текста:: A; A; A

Источник материала:

Нацыянальны банк Рэспублiкi Беларусь 27 чэрвеня 2011 г. уводзiць у абарачэнне памятныя манеты "Мiжнародны фестываль мастацтваў "Славянскi базар у Вiцебску" новай серыi "Мiжнародныя фестывалi ў Беларусi": срэбную – намiналам 10 рублёў, пробай сплаву 925, масай 16,81 г, дыяметрам 37,00 мм; медна-нiкелевую – намiналам 1 рубель, масай 20,00 г, дыяметрам 37,00 мм, паведамляе прэсс-служба Нацбанку.

Манеты маюць форму круга, з пярэдняга i адваротнага бакоў – кант, якi выступае па акружнасцi. Бакавая паверхня манет рыфлёная.

Аверс: уверсе ў цэнтры – рэльефны вiдарыс Дзяржаўнага герба Рэспублiкi Беларусь; у цэнтры манеты – лагатып Славянскага базару, выкананы ў стылi дынамiчнай, дэкаратыўна-шрыфтавой кампазiцыi; па крузе надпiсы: уверсе – РЭСПУБЛIКА БЕЛАРУСЬ, унiзе – намiнал: 10 РУБЛЁЎ (на срэбнай) i 1 РУБЕЛЬ (на медна-нiкелевай); злева – год чаканкi; справа на срэбнай манеце – проба сплаву.

Рэверс: у цэнтры на фоне панарамы горада з пазнавальнымi i характэрнымi для Вiцебска архiтэктурнымi вобразамi – стылiзаваная рэльефная выява рукi, працягнутай да гледача ў даверлiвым жэсце (далонню ўверх). На ёй з вежай "Духаўскi круглiк" на заднiм плане адлюстравана галоўная сцэна Славянскага базару – амфiтэатр, за ёй – нотка-валошка з пялёсткамi, якiя пераўтвараюцца ў птушак.

Манеты адчаканены на ЗАТ "Лiтоўскi манетны двор": срэбная якасцю "пруф", медна-нiкелевая – "пруф-лайк". Тыраж срэбнай i медна-нiкелевай манет па 2500 штук.

Памятныя манеты, што ўводзяцца ў абарачэнне, з’яўляюцца законным плацежным сродкам Рэспублiкi Беларусь, абавязковым да прыёму па намiнальным кошце пры ўсiх вiдах плацяжоў без усялякiх абмежаванняў.

В блог

Чтобы разместить новость на сайте или в блоге скопируйте код:

На вашем ресурсе это будет выглядеть так

Нацбанк уводзiць у абарачэнне памятныя манеты "Мiжнародны фестываль мастацтваў "Славянскi базар у Вiцебску"

Нацыянальны банк Рэспублiкi Беларусь 27 чэрвеня 2011 г. уводзiць у абарачэнне памятныя манеты "Мiжнародны фестываль мастацтваў "Славянскi базар у Вiцебску" новай серыi...