Грыбнік захоўваў снарад на агародзе

Источник материала:

Жыхар Гарадка (Віцебская вобласць) заявіў начальніку лінейнага пункта транспартнай міліцыі на станцыі Гарадок, што ля ваеннага палігона ў лесе, яшчэ ў пачатку верасня, калі збіраў грыбы, знайшоў металічны прадмет, падобны на снарад. Небяспечную знаходку чамусьці захоўваў на прысядзібным участку.

Сапёры «ачысцілі» агарод ад «пустазелля». А жыхар абласнога цэнтра па добрай волі здаў міліцыянерам патрон і ствол аўтамата часоў Вялікай Айчыннай вайны, якія таксама знайшоў падчас збору грыбоў у тым жа Гарадоцкім раёне.