На сайце Памежнага камітэта інфармацыя аб чэргах на мяжы будзе часцей абнаўляцца

Источник материала:

У мэтах карэкціроўкі пасажырскіх і транспартных патокаў, выключэння ўмоў утварэння чэргаў на мяжы сайтам Дзяржпагранкамітэта Беларусі gpk.gov.by уведзены новы графік актуалізацыі інфармацыі аб сітуацыі ў пунктах пропуску.

З 10 снежня яна будзе абнаўляцца не тры, а пяць разоў за суткі: у 8.00; 10.00; 12.00; 15.00 і 18.00 гадзін. Гэты час вызначаны з улікам пікавых нагрузак.

Інфармацыю пра сітуацыю ў пунктах пропуску можна атрымаць таксама праз мабільны тэлефон: mobile.gpk.gov.by і ў аператара life:) — для гэтага неабходна адправіць SMS на кароткі нумар 2110.

Адначасова Дзяржпагранкамітэт прымае меры да забеспячэння дакладнасці гэтай інфармацыі. Аб праблемах з яе атрыманнем і аб неадпаведнасцях звестак з існуючай абстаноўкай у пунктах пропуску можна паведаміць на post@gpk.gov.by і тэлефон гарачай лініі 8-017-216-26-12.