Следчы камітэт заявіў, што жанчыне ў Бабруйску не здымалі "скальп"

Следчы камітэт заявіў, што жанчыне ў Бабруйску не здымалі "скальп". Мужчына некалькі разоў "разануў" яе па галаве нажом.

Афіцыйная прадстаўніца УСК па Магілёўскай вобласці Аксана Салянюк распавяла сайту sputnik.by, што інцыдэнт са "знятым скальпам" быў перабольшаны СМІ. Нагадаем, партал tut.by паведаміў, што 36-гадовы мужчына знайшоў у ежы волас і зняў з 45-гадовай грамадзянскай жонкі... скальп. Жанчына шпіталізаваная і, нібыта, не збіраецца падаваць заяву ў міліцыю.

"У мужчыны сапраўды засталося ў руцэ крыху валасоў і скуры, але казаць аб зняцці скальпа нельга", — кажа Салянюк. Следчы камітэт праводзіць праверку. Калі будзе прызнана, што цялесныя пашкоджанні, нанесеныя жыхарцы Бабруйска з'яўляюцца цяжкімі, будзе распачатая крымінальная справа, нават без заявы пацярпелай. У адваротным выпадку справы не будзе. Адзначаецца, што жыццю жанчыны нішто не пагражае.