У Першамайскім раёне Мінска загінуў гімназіст, ён упаў з 18 паверху

У Першамайскім раёне Мінска загінуў 16-гадовы гімназіст, ён упаў з 18-га паверху. Пра гэта БЕЛТА паведаміў афіцыйны прадстаўнік Следчага камітэта па Мінску Аляксандр Герасімаў.

Следчы камітэт праводзіць праверку. Сярод версій — няшчасны выпадак. Паводле слоў Герасімава, пакуль няма ніякіх падставаў сцвярджаць, што адбыўся суіцыд.

Дарэчы, гімназіст загінуў яшчэ 11 траўня, але пра гэтае трагічнае здарэнне афіцыйна паведамілі толькі цяпер.

Нагадаем, 23 траўня адбылося здарэнне ў 74-й гімназіі ў Кастрычніцкім раёне сталіцы. Вучань 9-га класа нанёс нажом некалькі раненняў у шыю настаўніцы рускай мовы. Яна трапіла ў рэанімацыю. Вучня затрымалі.