У Магілёве зноў апаганілі помнік габрэям-ахвярам нацызму

У Магілёве зноў апаганілі помнік габрэям-ахвярам нацызму. Вялікі валун з выбітымі на ім слядамі раскрытых далоняў і надпісамі на рускай і габрэйскай мовах аблілі чорнай фарбай. Мяркуецца, што гэты акт вандалізму быў здзейснены ўдзень 19 лістапада. Карэспандэнт БелаПАН Алесь Асіпцоў, які прыехаў на месца здарэння, выклікаў міліцыю. Яго апыталі супрацоўнікі Следчага камітэта.

Раней гэты камень-помнік, усталяваны ў цэнтры горада, таксама цярпеў ад нападаў вандалаў: у чэрвені 2012 года яго адлілі чорнай фарбай. Па версіі міліцыі, гэта было зроблена ненаўмысна — грамадзянін, які нёс шкляны слоік з фарбай, выпадкова разбіў яе аб камень. У іудзейскай абшчыне не вераць у такую ​​версію, пагатоў, менавіта шкляная банка з-пад карычневай фарбы была выяўленая цэлай недалёка ад каменя ў кустах.

У апошні час у Магілёве стала нярэдкім апаганьванне помнікаў, звязаных з нацыянальнымі дыяспарамі. Так, у 2015 годзе двойчы быў збіты надпіс "Тарас Шаўчэнка" з пастамента бюста ўкраінскаму літаратару. Праваахоўныя органы ніводнага разу не знаходзілі вінаватых.