Эх, Калядачкі! Бліны-ладачкі… Фотарэпартаж аб тым, як Нясвіжчына дружна адзначыла Калядныя святы

Са святочнага шэсця на цэнтральнай вуліцы горада пачаўся раённы  агляд-конкурс калядных гуртоў “Калядная зорка” ў Нясвіжы. Пачатак  народнага гуляння многія  несвіжане і госці горада чакалі на Ратушнай  плошчы, дзе непадалёку ад катка размясцілася галоўная сцэна мерапрыемства.

Яркія сцэнічныя вобразы  ўсіх удзельнікаў  радавалі кожнага, хто завітаў у нядзелю вечарам у Нясвіж. Зімовыя забавы, віншаванні з Калядамі, гумарэскі, шумныя  карагоды, гаданне  цыганак, сэлфі з любімымі  героямі казак, шчодрыя  пачастункі калядоўшчыкаў — чаго тут толькі ні было. На працягу некалькіх гадзін  весяліўся народ — і дарослыя, і дзеці.

У заключэнне народнага свята прайшла цырымонія  ўзнагароджання ўдзельнікаў Калядак у розных намінацыях. дыпломы і падарункі пераможцам (сярод якіх  — калектывы прадпрыемстваў раёна у намінацыях “Захаванне і развіццё народных традыцый”, “Лепшая Калядная зорка”, “Высокае прафесійнае майстэрства” і іншых) уручыў намеснік старшыні Нясвіжскага райвыканкама А.М. Балцянкоў.

Іна ВАСІЛЕВІЧ.