Як праходзіла свята абаронцаў Айчыны ў яслях-садзе №10 г. Смаргоні

Источник материала:

Асаблівая ўвага аказвалася татам і дзядулям. Песнямі, вершамі, спартыўнымі танцамі віншавалі іх нашы выхаванцы са святам. А яшчэ ў гэты дзень у вясёлых спартыўных эстафетах нашы дзеці прадэманстравалі сваю хуткасць, спрыт, актыўнасць, уменне дзейнічаць у камандзе.

Вынікі эстафет паміж двума камандамі «Лётчыкі» і «Танкісты» ацэньвала строгае і справядлівае журы.

Вельмі прыемна было бачыць радасныя твары дзяцей, адчуць іх дух спаборніцтва і саперніцтва. Зараблялі балы для сваіх каманд і таты.

Конкурсы для іх «Патрап ў цэль», «Лопні шар» былі пацешнымі і вясёлымі. Дзеці падтрымлівалі тат дружнымі апладысментамі.

Свята прайшло весела і заўзята. Перамогу атрымала каманда «Лётчыкі». Але і каманда «Танкісты» не засталася ў крыўдзе. Усе удзельнікі спаборніцтва былі ўзнагароджаны салодкімі медалямі.

Наталля МУРАШКА, намеснік загадчыка па асноўнай дзейнасці.

Фота аўтара.