Прэзідэнт арыентуе дзяржаўныя СМІ на сумленную і аб’ектыўную размову з аўдыторыяй, каб у няпростых умовах інфармацыйнага поля ўтрымаць увагу гледачоў, чытачоў і слухачоў.
На нарадзе з кіраўнікамі вядучых дзяржаўных сродкаў масавай інфармацыі Аляксандр Лукашэнка канстатаваў, што важны складнік незалежнай дзяржавы інфармацыйны суверэнітэт – гэта права праводзіць уласную інфармацыйную палітыку, фарміраваць нацыянальную інфармацыйную інфраструктуру, забяспечваць інфармацыйную бяспеку. Каб супрацьстаяць новым рызыкам, выклікам і пагрозам, крыху менш года таму распрацавалі і прынялі Канцэпцыю інфармацыйнай бяспекі Беларусі.
У якасці станоўчага адрознення беларускіх СМІ ад шэрагу замежных Аляксандр Лукашэнка адзначыў сумленную пазіцыю, адсутнасць фэйкавага выкладання падзей, праўдзівую падачу інфармацыі. Разам з тым часам заўважыў, што айчынныя тэлевізійныя СМІ крыху ўступаюць замежным калегам. У тым трэба дапрацоўваць. Кіраўнік дзяржавы адзначыў, што часта ў эфіры дзяржаўных сродкаў масавай інфармацыі не хапае вастрыні і аператыўнасці. Друкаваныя ж СМІ, каб утрымацца на плаву ў сучасным лічбавым свеце, павінны актыўна займацца аналітыкай, лічыць Аляксандр Лукашэнка. «Вядома, мы заўсёды былі і будзем аб'ектыўныя. Але нашы навіны, наша сумленная пазіцыя павінны быць данесены да кожнага і пачуты ўсімі», - падкрэсліў ён.
Паводле яго слоў, сёння інтэрнэт ужо не проста дыхае ў спіну дзяржаўнай прэсе, але і па некаторых пазіцыях вырываецца наперад, а Telegram-каналы, блогі, сацыяльныя сеткі па ўплыве як мінімум зраўнаваліся з традыцыйнымі СМІ. "Моладзь у асноўным там. Мабільны тэлефон з выхадам у інтэрнэт у распараджэнні ўсіх жадаючых ад дзіцяці да састарэлага чалавека. І гэтыя матэрыялы ім даступныя ў любы час сутак. Нашым СМІ ў інтэрнэце трэба працаваць больш маштабна, больш эфектыўна. Што ўжо зроблена ў гэтым напрамку і куды вы маеце намер рухацца далей?" - запытаў кіраўнік дзяржавы.
Акрамя таго, упэўнены Прэзідэнт, таленавіты журналіст можа і павінен быць лідарам грамадскай думкі. "Гэта рэдкасць. Сёння аблічча любога СМІ павінна вызначаць аўтарская журналістыка. Нам неабходны новыя асобы, цікавыя персаналіі, тэмы. Вы павінны быць таленавітыя і пераканаўчыя ў падачы інфармацыі", - сказаў ён. Аляксандр Лукашэнка заўважыў, што сёння прэса - гэта не толькі сродак данясення інфармацыі, але і паўнацэнная зброя, прычым масавага паражэння.
"Падтасаваныя факты, фэйкі, дыпфэйкі, так званая постпраўда, калі аўдыторыяй умела маніпулююць, наўмысна адводзячы ад сапраўды важных праблем, - гэта і іншая інфармацыйная атрута падобная да хімічнай зброі. Тое яшчэ будзе. Нас чакаюць больш складаныя рэчы, якія проста будзе цяжка абвяргаць. Прынамсі, у кароткім прамежку часу, - папярэдзіў Прэзідэнт. - Гэта няпраўда, хлусня выкошвае цэлыя слаі ўспрымальнага насельніцтва, робячы іх безабароннымі перад сваім разбуральным уздзеяннем. Таму інфармацыйнае супрацьборства цяпер адыгрывае асаблівую ролю".
На думку Аляксандра Лукашэнкі, канкурэнцыя на інфармацыйным полі сёння вельмі жорсткая, і Беларусь з усіх бакоў пранізана рознымі медыйнымі патокамі, многія з якіх адкрыта дэструктыўныя.
Ігар Петрышэнка, намеснік прэм’ер-міністра: «Журналіст павінен умець убачыць цікавы факт або з’яву і расказаць пра гэта ярка і займальна. А калі гэта аналітычны артыкул, то ён павінен у першую чаргу быць напісаны дасведчана і зразумелай мовай. Калі мы не раскажам аб праблеме, то пра яе на ўзроўні краіны раскажуць на папулярным інтэрнэт-сайце, на ўзроўні рэгіёна - блогеры. Таму нам неабходна перахапіць ініцыятыву, у тым ліку ў інтэрнэце».
Аляксандр Карлюкевіч, міністр інфармацыі: «Галоўнае, што мы можам і павінны супрапаставіць паклёпу і хлусні аб’ектыўную, праўдзівую журналістыку. Гэта базіс інфармацыйнай бяспекі краіны».
Прэзідэнт арыентуе дзяржаўныя СМІ на сумленную і аб’ектыўную размову з аўдыторыяй, каб у няпростых умовах інфармацыйнага поля ўтрымаць увагу гледачоў, чытачоў...
Главная
Гороскопы
