У Ганцавічах з’явілася новая крама дзіцячых цацак

Новая крама дзіцячых цацак адкрылася ў Міжнародны дзень аховы дзяцінства па вуліцы 17 верасня.

У продажы тут ёсць цацкі на любы ўзрост і густ: кухонны посуд для дзяўчынак, аўтатранспарт для хлопчыкаў, гульні для развіцця інтэлектуальных здольнасцяў, кнігі з казкамі і размалёўкамі, цацкі для малюкоў, а таксама гульні для ўсёй сям’і.

Тут можна набыць бегавел, дзіцячы электрамабіль і квадрацыкл. Асноўны асартымент прадукцыі прадстаўлены кобрынскай фабрыкай цацак «Палессе», якая не аднаразова падцверджвала знак якасці не толькі на айчынным рынку, але і ў свеце.