Главная
Гороскопы
Творчыя конкурсы, фальклорныя экспедыцыі, інтэрактыўныя экспазіцыі, фестывалі, велапрабегі, флэшмобы і шмат чаго іншага. Формы – сучасныя, каларыт – гістарычны. Вельмі цікава і крэатыўна праходзяць фотаконкурс «Сэлфі&фота з вышыванкай» і акцыя «Падары немаўляці вышыванку». Вышыванка – вельмі прыгожы сімвал і ўдалы вобраз, які абуджае жаданне зазірнуць глыбей у культуру свайго народа. Гэта сапраўды знітоўвае пакаленні, выхоўвае ў моладзі духоўную свядомасць.
Беларуская моладзь выхоўваецца на зямлі са шматвекавымі працоўнымі традыцыямі, багатай культурай і гісторыяй. І з’яўляецца пераемнікам і захавальнікам лепшых здабыткаў. Дзень моладзі – свята тых, каму будаваць будучыню нашай Беларусі. Пажадаем юнакам і дзяўчатам смелых ідэй, жадання ствараць усё самае лепшае на роднай зямлі.