Беларусь і Еўрасаюз у бліжэйшым будучым вырашаць праблемы ў сваіх узаемаадносінах

Источник материала:

Беларусь і Еўрасаюз у бліжэйшым будучым вырашаць праблемы, якія існуюць у іх узаемаадносінах. Упэўненасць у гэтым выказаў Прэзідэнт Рэспублікі Беларусь Аляксандр Лукашэнка 20 снежня ў інтэрв'ю тэлеканалу Euronews.

У час інтэрв'ю размова ішла аб праведзеных у Беларусі прэзідэнцкіх выбарах, а таксама аб узаемаадносінах Беларусі з ЕС і Расіяй. Кіраўнік дзяржавы, адказваючы на пытанне аб ацэнцы міжнароднымі наглядальнікамі прэзідэнцкіх выбараў, падкрэсліў: "Гэта вялікі крок наперад у параўнанні з 2006 годам. І на гэтай базе мы можам выбудоўваць свае адносіны з Еўропай". Пры гэтым Прэзідэнт адзначыў: "Той, хто хоча сапраўды непрадузята бачыць абстаноўку ў Беларусі, той яе такой і бачыць". Аляксандр Лукашэнка сказаў, што ў Беларусі і ЕС нямала праблем, але яны павінны быць вырашаны ў бліжэйшай будучыні: "Усё гэта пройдзе, гэта — наноснае. Я ад вас прашу адзінага — аб'ектыўнасці, якой пакуль малавата ў інфармацыі па Беларусі".