Поздравление

Саюзу пісьменнікаў Беларусі!

Паважаныя сябры!

Сардэчна віншую вас з юбілеем — 80-годдзем з дня заснавання Саюза пісьменнікаў Беларусі.

На працягу гэтага часу створана надзвычай багатая пісьмовая спадчына. Творы Янкі Купалы, Якуба Коласа, Кузьмы Чорнага, Петруся Броўкі, Івана Мележа, Максіма Танка, Уладзіміра Караткевіча, Івана Шамякіна, а таксама сучасных аўтараў сталі здабыткам айчыннай і сусветнай літаратуры.

Беларускія пісьменнікі заўсёды з’яўляліся выразнікамі думак, пачуццяў і спадзяванняў свайго народа. Так было і ў перыяд ваеннага ліхалецця, і ў гады пасляваеннай адбудовы, і сёння. Таму вельмі важнай задачай застаецца патрыятычнае выхаванне грамадства, найперш маладога пакалення, на аснове традыцый гісторыі нацыянальнай культуры.

Ад усёй душы жадаю вам моцнага здароўя, новых яркіх адметных твораў, шчырай удзячнасці чытачоў.

Прэзідэнт Аляксандр ЛУКАШЭНКА