На горналыжнай трасе ў Каробчыцах рыхтуюць снег для гарадзенцаў
01.01.2016 12:54
—
Новости Общества
|
Ад 29 снежня працуюць снегавыя пушкі на спусках горналыжнай трасы «Алімп» каля вёскі Каробчыцы — з паніжэннем тэмпературы тут пачалі заснежванне схілаў. Калі надвор’е і надалей будзе спрыяць, то ўжо з першых выходных Новага года, 2 студзеня, траса прыме наведвальнікаў, На «Алімпе» пабудаваны чатыры трасы:
Пакуль снегавыя пушкі рыхтуюць да спускаў толькі адну горку, але праца ідзе і ў іншых месцах: будуюцца лесвіцы на самы верх гары, правяраецца праца пад’ёмнікаў. Мікалай Віршыч, начальнік фізкультурна-спартыўнага комплекса «Алімп», дзе месціцца горналыжная траса, распавёў, што з максімальнай магутнасцю снегавыя пушкі працуюць ноччу, калі тэмпература значна паніжаецца. З яго словаў, праца ідзе ўжо каля двух дзён. Асаблівасць пушкі ў тым, што яна сама выбірае рэжым у залежнасці ад знешніх умоваў: пачынае працу з распылу ахалоджанай вады — гэта нулявы этап, пасля, у залежнасці ад тэмпературы паветра, пераходзіць у адзін з чатырох рэжымаў працы. Умяшальніцтва чалавека немагчыма, таму дакладна нельга сказаць, калі траса будзе цалкам гатова — гэта залежыць толькі ад надвор’я. Внимание! У вас отключен JavaScript, ваш браузер не поддерживает HTML5, или установлена старая версия проигрывателя Adobe Flash Player.
Паклапаціліся арганізатары горналыжных забаваў не толькі пра снег — да пачатку сезону падрыхтавана больш за 200 пар лыжаў, а таксама сноўборцы, цюбінгі і санкі для дзяцей. Напракат таксама можна будзе ўзяць любую патрэбную амуніцыю — боты, шлемы, лыжныя палкі. Што тычыцца цэн на паслугі горналыжнай трасы, то сёлета яны панізіліся ў параўнанні з мінулым годам і выглядаюць значна ніжэйшымі за прапановы ў суседзяў з Друскенік ці ў бліжэйшых да сталіцы Сілічах. Чтобы разместить новость на сайте или в блоге скопируйте код:
На вашем ресурсе это будет выглядеть так
Калі надвор'е і надалей будзе спрыяць, то ўжо з першых выходных Новага года, 2 студзеня, траса прыме наведвальнікаў.
|
|