«Бірмінгем» без Глеба згуляў унічыю з «Ліверпулем»

Источник материала:

Не бульбай адзінай...

У разгар сезона гароднiны зайшлi мы з жонкай у вялiзны ўнiверсам. Яна адразу ж заўважыла свежую спаржавую фасолю. Прыгожую, зялёненькую, толькi з поля. Купiлi кiлаграм. Зайшлi праз тыдзень. Фасоля зноў ляжала, але выгляд у яе быў... пакрыўджаны. За што загубiлi — такую маладую i прыгожую! Чаму не падалi на стол — такую смачную!

Смачную? А хто гэта ведае? Ляжыць нешта незвычайнае — сцябло нейкае. Возьмеш — а есцi хто будзе? Вiдаць, так падумалi многiя гаспадынi. Мы ж, беларусы, прыхiльнiкi вядомых каштоўнасцяў — каўбасы ды бульбы. Маянэзам разрэкламаваным залiць... ды засмажыць.

І адкуль тыя кiлаграмы лiшнiя пабралiся?

Мiж тым, сёлета ў КСУП "Брылёва", што пад Гомелем, было вырашчана 35 гектараў спаржавай фасолi. Ураджайнасць яе — каля 100 цэнтнераў з га. Толькi 25 тон пайшло ў гандаль, астатняе — перапрацавана i цяпер чакае свайго часу ў шкляных слоiках або ў спецыяльных камерах, дзе тэмпература падтрымлiваецца 18 градусаў нiжэй за нуль. Гаспадыня кансервавай вытворчасцi Людмiла Кашавенка з гонарам паказвае цэх, зусiм не падобны на брудную вытворчасць былых часоў. Быццам аперацыйная зала — блiшчыць не толькi абсталяванне, але i падлога. "Такога няма не толькi ў Беларусi, але i ў СНД мала дзе знойдзеш", — падкрэслiвае дырэктар КСУП "Брылёва" Аркадзь Кобрусеў. Дзесьцi да Новага года ў гомельскiх магазiнах з’явiцца замарожаная спаржавая фасоля, расфасаваная ў 450-грамовую ўпакоўку. Цi заўважаць яе пакупнiкi побач з польскай i расiйскай? Магчыма, па цане змогуць адрознiць. Кiраўнiцтва плануе прадаваць яе танней, чым цяпер каштуе замежная.

Праз паўгода ў Гомелi павiнна з’явiцца i незвычайны гандлёвы пункт. Побач з Лядовым палацам адкрыецца кафэ з кулiнарыяй, дзе будзе падавацца толькi агароднiна. Генеральны дырэктар гомельскай абласной асацыяцыi вытворцаў плодаагароднiннай прадукцыi Валерый Папкоў абяцае, што можна будзе пакаштаваць не менш за 30 страў з цыбулi, або спаржавай фасолi, або кальрабi... Сок свежавыцiснуты. Будзе пастаянна дзейнiчаць выстава прадукцыi гаспадарак, якiя сёння "кормяць" абласны цэнтр агароднiнай — КСУП "Брылёва" i КСУП камбiнат "Усход".

Iх кiраўнiкi — i вопытны Аркадзь Кобрусеў, i малады Анатоль Дзяйкун добра разумеюць, што пакупнiка прыйдзецца "заваёўваць". Менавiта таму цяпер асаблiвая ўвага — распрацоўцы брэнда i зручнай упакоўкi. Прадукцыя камбiната "Усход" з"явiцца на прылаўках пад назвай "Усходнiя градкi". У "Брылёве" палiчылi, што сама iх назва — гарантыя вядомасцi, якасцi i надзейнасцi.

Пакуль што брокалi, квяцiстую i савойскую капусту, цыбулю-парэй i "эксiбiшэн" (кожная галоўка — волат вагой да кiлаграма) тут называюць нетрадыцыйнымi культурамi. Да iх, кажуць, спажыўца трэба прывучаць, як некалькi стагоддзяў таму да таматаў i бульбы. Але ж наша стаўленне да таго, што мы ўжываем у ежу, мяняецца i, здаецца, прадукты, пяшчотныя для страўнiка, хутка ўвойдуць у звычайны рацыён беларуса.

Тым больш што насустрач здароўю iдуць вытворцы. Ва ўсiх дзевяцi буйных гаспадарках Гомельшчыны, якiя спецыялiзуюцца на плодаагароднiннай прадукцыi, у блiжэйшыя гады асартыментны пералiк будзе, як у КСУП камбiнат "Усход" — амаль 40 вiдаў.

Пры гэтым традыцыйныя культуры нiхто не збiраецца забываць. Пра цэны на перыяд закладкi прадукцыi ў стабiлiзацыйны фонд расказвае генеральны дырэктар гомельскай абласной асацыяцыi вытворцаў пладоваагароднiннай прадукцыi Валерый Папкоў: "Бульба — 520 тысяч рублёў за тону, капуста — 550, морква — 620, буракi — 500 тысяч i цыбуля 920 тысяч за тону. Гэта аптова-закупачныя цэны, без НДС. Дзейнiчаць яны будуць да 15 лiстапада, да гэтага часу мы забяспечым стабiлiзацыйны фонд. Пасля 15 лiстапада цэны будуць фармiравацца з улiкам таго, якiя выдаткi панесены на захаванне, падрыхтоўку да рэалiзацыi i гэтак далей. Астатнiя рэсурсы, свабодныя ад стабiлiзацыйнага фонду, будуць рэалiзоўвацца па свабодных адпускных цэнах. Мы разлiчваем, што яны будуць стабiльнымi, узважанымi i эканамiчна абгрунтаванымi — як для гаспадарак, так i для пакупнiкоў".

Асобная тэма — узаемаадносiны з гандлем. Як гавораць вытворцы плодаагароднiннай прадукцыi, гандаль не мае вялiкай зацiкаўленасцi працаваць з агароднiнай. Прадукт хутка псуецца, не вельмi чыстая работа, шэраг праблем... Гандляваць кансервамi куды прасцей. Тым больш, мала дзе ёсць спецыяльнае абсталяванне з ахаладжэннем менавiта для агароднiны. Гандляры, у сваю чаргу, спасылаюцца на тое, што айчынны прадукт далёка не заўсёды мае той выгляд, каб быць прывабным для пакупнiка.

Сапраўды, рыхтаваць агароднiну да продажу — складаны клопат. Пакуль спецыяльная тэхнiка для апрацоўкi буракоў, морквы i цыбулi ёсць у нямногiх гаспадарках. А карысць ад яе вялiкая не толькi для пакупнiка, якi звычайна сустракае прадукт "па адзеннi". Дырэктар КСУП "Брылёва" Аркадзь Кобрусеў расказвае, што пасля набыцця абсталявання, якое, дарэчы, падбiрае цыбулю да цыбулi яшчэ i паводле памеру — калiбруе — менш праблем стала з гандлем: "Раней прывязеш цыбулю ў Мiнск, мяшок раскрыюць, выберуць 15 працэнтаў крыху пашкоджаных галовак — гавораць: усю партыю возьмем нiжэйшым гатункам. I згаджалiся — куды падзенешся. Везцi дадому — большыя страты. Цяпер усё iнакш — некандыцыя адбракоўваецца адразу".

Ну а гаспадынi тым часам чакаюць чарговых кiрмашоў, якiя будуць праводзiцца ў Гомельскай вобласцi па суботах да канца кастрычнiка. Многiя дакладна ведаюць, у якой гаспадаркi або фермера будуць купляць бульбу, а ў каго — цыбулю. Тут спажыўца не падманеш. Калi морква перад продажам была памытая i расфасаваная ў зручныя пакецiкi, калi яна захоўвалася да красавiка, калi заставалася смачнай — пакупнiк з удзячнасцю будзе ўзгадваць iмя вытворцы. I суседзям раскажа. Рэпутацыя — справа сур’ёзная.

В. Аўраменка, Гомель

Гомель

 

Р.S. Мiж тым, жонка, зацiкаўленая тэмай карыснага харчавання, вельмi рэкамендавала спаржавую фасолю пад падлiўкай з пятрушкi. Каб схiлiць мяне на свой бок, прыгатавала i прынесла страву да камп’ютара. Смачна, нiчога не скажу.

Мiж тым, жонка, зацiкаўленая тэмай карыснага харчавання, вельмi рэкамендавала спаржавую фасолю пад падлiўкай з пятрушкi. Каб схiлiць мяне на свой бок, прыгатавала i прынесла страву да камп’ютара. Смачна, нiчога не скажу.

Нарэзаную фасолю залiць вадой, каб яна толькi пакрыла гароднiну, i варыць 8—10 хвiлiн. Адначасова на патэльнi растапiце сметанковае масла. Дадайце муку, соль, перац i перамяшайце. Туды ж улiце булён i ўзбейце соус. Давядзiце да кiпення. Мяшайце хвiлiны дзве, пакуль соус не стане густым. Знiмiце з плiты. У iншым посудзе змяшайце яечныя жаўткi i малако. Потым улiце ў гэтую сумесь невялiкую колькасць булёну i ўсё гэта затым зноў на патэльню. Дзве хвiлiны вельмi слабага кiпеню — i дадайце ў соус зелянiну пятрушкi. Злiце ваду з фасолi i падавайце яе пад соусам.

Iнгрэдыенты: 100 г спаржавай фасолi — свежай або замарожанай; 2 ст. л. сметанковага масла; 2 ст. л. мукi; 1 ч. л. солi, молаты перац на смак; 1,5 шклянкi курынага булёну; 2 яечных жаўткi; 0,5 шклянкi малака; 1 шклянка свежай зелянiны пятрушкi.

100 г спаржавай фасолi — свежай або замарожанай; 2 ст. л. сметанковага масла; 2 ст. л. мукi; 1 ч. л. солi, молаты перац на смак; 1,5 шклянкi курынага булёну; 2 яечных жаўткi; 0,5 шклянкi малака; 1 шклянка свежай зелянiны пятрушкi.

 

 

Теги: Гомель