Прысмакi з айвы

Источник материала:

Для варэння, напрыклад, прыгодныя плады ўсiх сартоў айвы. Iх прамываюць, здымаюць скурку, рэжуць на долькi, выразаюць насенныя камеры. Адразу ж як пачысцiлi, долькi апускаюць у падкiсленую ваду (2 г лiмоннай кiслаты на 1 л вады), каб плады не пацямнелi. Скурку i насенныя камеры залiваюць вадой i вараць на працягу 20 мiнут. Адвар працэджваюць i ў iм праварваюць долькi да размякчэння. Правараную айву астуджаюць халоднай вадой, а затым апускаюць у кiпячы сiроп (1 кг айвы, 1 кг цукру i 1/2 шклянкi адвару), перамешваюць, знiмаюць з агню i пакiдаюць на 6—8 гадзiн, каб долькi айвы лепш увабралi сiроп. Вараць у 3-4 прыёмы з выстойваннем па 5-6 гадзiн да гатоўнасцi. У канцы варкi дабаўляюць 3-4 г лiмоннай кiслаты. Варэнне атрымлiваецца светла-бурштынавага колеру.

Каб прыгатаваць вялёную айву, долькi пасля першага аддзялення соку засыпаюць цукрам паўторна (250 г на 1 кг), зноў вытрымлiваюць на працягу 15 гадзiн, сок злiваюць i аб’ядноўваюць. Долькi залiваюць гарачым сiропам, прыгатаваным з разлiку 350—400 г цукру i 250 г вады на 1 кг пладоў. Пры закрытай накрыўцы масу вытрымлiваюць на працягу 20 хвiлiн пры тэмпературы 90°С, затым сiроп злiваюць. Долькi падсушваюць у духоўцы.

Цукаты гатуюць з той жа масы, якую арымлiваюць пры вяленнi. Долькi пасля сушкi пакрываюцца дробнымi крышталiкамi цукру. Варэнне, прыгатаванае з цукатаў, добра захоўваецца дзякуючы павышанай канцэнтрацыi цукру.

Для прыгатавання жэле айву наразаюць кавалачкамi, не знiмаючы скуркi i не парушаючы насеннай камеры (у iх змяшчаецца шмат пенцiну), залiваюць вадой (0,5 л на 1 кг) i вараць да размякчэння. Атрыманую масу адцiскаюць, сок пакiдаюць на некалькi гадзiн для астывання, затым акуратна злiваюць, захоўваючы на дне асадак. На 1 л соку дабаўляюць 800 г цукру i вараць на марудным агнi, пакуль не выкiпiць 1/3 соку. У канцы варкi ў яго кладуць 3-4 г лiмоннай кiслаты, у гарачым выглядзе разлiваюць у слоiкi, а пасля таго як астыне — закрываюць пергаментнай паперай, завязваюць. Мякаць, якая засталася ад соку, выкарыстоўваюць для прыгатавання павiдла.

Для прыгатавання джэму з айвы ачышчаныя ад скуркi плады нацiраюць на буйной тарцы (без насенных камер) i з вадой (1 шклянка на 1 кг пладоў) праварваюць 10 мiнут, затым кладуць цукар (1 кг) i вараць на марудным агнi пры пастаянным памешваннi да гатоўнасцi. У канцы варкi дабаўляюць 3 г лiмоннай кiслаты.

I яшчэ адзiн рэцэпт. Спелыя плады айвы добра прамыць, абдаць варам, разрэзаць на 5-6 долек i вынуць насенне. На дно лiтровага слоiка насыпаць цукар слоем 4-5 см. Затым у слоiк паступова дабаўляць долькi айвы, перамешваючы iх з цукрам. Праз двое сутак цукар убярэ ў сябе водар айвы — i можна пiць чай.

Шчыра скажу, зайздрошчу тым, у каго ў садзе растуць такiя карысныя раслiны, з якiх можна прыгатаваць многа ўсяго смачнага.